விஜய் சேதுபதி, அனுராக் காஷ்யப், மம்தா மோகன்தாஸ், அபிராமி, நடராஜன் (நட்டி) முனுஷ் காந்த், அருள்தாஸ், வினோத் சாகர், திவ்ய பாரதி, சிங்கம்புலி, சச்சனா நெமிதாஸ், ‘பேபி’ ஷினிகா, ‘பாய்ஸ்’ மணிகண்டன், காளையன், கல்கி, பி.எல்.தேனப்பன், சரவண சுப்பையா, எஸ்.எஸ் ஸ்டான்லி, செல்வன் சேகர், வெற்றிவேல் ராஜா, மோகன்ராம், ஸ்ரீஜா ரவி, பேபி Y.A.ஹர்ஷினி, லிசி ஆண்டனி, சங்கீதா.வி, ‘போஸ்டர்’ நந்தகுமார், நம்பி, மணிமேகலை, சந்தோஷ், சூப்பர்குட்’ சுப்ரமணி, பூவையார், பிரதீப் கே விஜயன், ‘பிச்சைக்காரன்’ மூர்த்தி, ‘ஹலோ’ கந்தசாமி, ரேம், உமகஸ்தூரி, ஓம் கணேஷ், நாயகம், நிரஞ்சன், அருண், செல்லதுரை, சித்ரா, இந்து, குட்டி, லீலா, பிரியதர்ஷினி, சுரேஷ், சூர்யா, தமிழா அரசி, விஜய் பாபு, குருசாமி, துரை, முல்லை அரசி, மற்றும் பலர் நடித்திருக்கும் படம்தான் ‘மஹாராஜா’. இப்படத்தை நித்திலன் சாமிநாதன் எழுதி இயக்கி இருக்கிறார். ஏற்கனவே இவர் ‘குரங்கு பொம்மை’ படத்தின் மூலம் நம்மை பிரமிக்க வைத்தவர்.
இப்படத்தின் கதையைப் பொருத்தவரையில்,
பாரதிராஜா சொந்தமாக நடத்தி வரும் சலூன் கடையில் கதாநாயகன் விஜய் சேதுபதி முடி திருத்தும் தொழில் செய்து வருகிறார். அவர் தன் மனைவி திவ்யபாரதி மற்றும் மகளுடன் மகிழ்ச்சியாக தன் குடும்பத்துடன் வாழ்ந்து வருகிறார். இந்த சூழ்நிலையில் ஒரு விபத்தில் தன் மனைவியை இழக்கிறார். அந்த விபத்தில் விஜய் சேதுபதி மகளின் உயிர் ஒரு இரும்பு குப்பைத் தொட்டி மூலமாக காப்பாற்றப்படுகிறது. அதனால் அந்த இரும்பு குப்பை தொட்டியை பத்திரப்படுத்தி அதற்கு லட்சுமி என்ற பெயர் சூட்டி கடவுளாக நினைத்து விஜய் சேதுபதியும் அவரது மகளும் பாதுகாத்து வருகின்றனர். இந்நிலையில் தன் மகள் படிக்கும் பள்ளியில் பி. டி. டீச்சரான மம்தா மோகன்தாஸ் தலைமையில் வெளியூரில் இருக்கும் பள்ளியில் நடக்கும் விளையாட்டு முகாமுக்கு சென்றிருந்தபோது வீட்டில் உள்ள லட்சுமி என்ற அந்த குப்பை தொட்டி காணாமல் போய்விடுகிறது..
இதனால் வேதனை அடைந்த விஜய் சேதுபதி காவல் நிலையத்திற்கு சென்று காவல்துறை அதிகாரி நட்டியிடம் புகார் கொடுத்து லட்சுமி என்ற அந்த குப்பை தொட்டியை கண்டுபிடித்து கொடுக்கும்படி வேண்டுகிறார். திருடப்பட்ட லட்சுமி என்ற குப்பைத்தொட்டி பற்றி தெரிந்து கொண்ட காவல்துறை அதிகாரி நட்டி மற்றும் அங்கு பணி புரியும் காவலர்கள் விஜய் சேதுபதியை மன நோயாளி எனக் கருதி, அவரை அடித்து உதைத்து வெளியே விரட்டுகிறார்கள். அந்த சமயத்தில் விஜய் சேதுபதி காவல் துறை அதிகாரி நட்டியிடம் எனது லட்சுமியை கண்டுபிடித்து கொடுத்தால் உங்களுக்கு ஏழு லட்சம் ரூபாய் கொடுக்கிறேன் என்று வாக்கு கொடுக்கிறார். இதனால் ஆச்சரியப்பட்ட காவல் துறை அதிகாரி நட்டி அந்த லட்சுமி என்ற குப்பை தொட்டியை கண்டுபிடிக்க பல விதத்தில் முயற்சி செய்கிறார். அந்த குப்பை தொட்டியில் ஏதோ ஒரு மர்மம் இருக்கிறது என்று நினைத்த நட்டி, அந்த லட்சுமி என்ற குப்பைத் தொட்டியை கண்டுபிடித்து கொடுத்தாரா? இல்லையா? என்பது தான் ‘மஹாராஜா’ படத்தில் மீதி கதை.
இப்படத்தில் மக்கள் செல்வன் விஜய் சேதுபதி கதையின் நாயகனாக நடித்துள்ளார். தனது உடல் மொழியில் கண்கள் மூலமாக தன் உணர்வுகளை வெளிப்படுத்தி தந்தை மகள் பாசத்தை காட்டும் போது திரையரங்கில் திரைப்படம் பார்க்கும் ரசிகர்களை நெகிழ வைத்து விடுகிறார். ஆக்ஷனுடன் கலந்த அமைதியான நடிப்பில் தன் 50வது படத்தில் சிறந்த நடிகராக அனைவரும் பாராட்டும்படி சிறப்பான நடிப்பை வெளிப்படுத்தியுள்ளார். தன் மகள் படிக்கும் பள்ளியின் தாளாளர், தன் மகளிடம் மன்னிப்பு கேட்க வைக்கும் காட்சியிலும், புகார் எடுக்க மறுக்கும் போது காவல் நிலைய காட்சியிலும் தனக்கே உண்டான நடிப்பில் மிரட்டி இருக்கிறார்.
வில்லனாக நடித்து இருக்கும் அனுராக் காஷ்யப், அளவான நடிப்பு மூலம் கதபாத்திரத்திற்கு பலம் சேர்த்திருக்கிறார். தன் மனைவியிடம் ஒரு மாதிரியாகவும் மற்றவர்களிடம் ஒரு மாதிரியாகவும் தன் குழந்தையை மிகச் செல்லமாகவும் மிகவும் எதார்த்தமான நடிப்பு மூலம் அனைவரையும் ரசிக்க வைக்கிறார்.
அனுராக் காஷ்யபுடன் நண்பராக வரும் வினோத் சாகர், வில்லத்தனத்தில் மிரட்டியிருக்கிறார்.
காவல்துறை அதிகாரி கதாபாத்திரத்தில் நடித்திருக்கும் நட்டி நட்ராஜ், மிக அருமையாக நடித்து கிளைமாக்ஸ் காட்சியில் திரைப்படம் பார்க்கும் ரசிகர்களை மிரள வைத்திருக்கிறார்.
இதுவரை பல படங்களில் காமெடி கதாபாத்திரங்களில் நடித்து வந்த சிங்கம் புலி, வேறு ஒரு முகத்தை காட்டி மிரட்டியிருக்கிறார். இப்படத்தில் எதிர்பாராத நடிப்பை கொடுத்து ரசிகர்களை ஆச்சரியப்பட வைத்திருக்கிறார்.
பாரதிராஜா, அருள்தாஸ், முனீஷ்காந்த், அபிராமி, மம்தா மோகன்தாஸ், சச்சினா மெமிதாஸ், பாய்ஸ் மணிகண்டன், வினோத் சாகர் என மற்ற கதாபாத்திரங்களில் நடித்திருக்கும் நட்சத்திரங்கள் அனைவரும் தங்களுக்கு கொடுத்த பணியை மிக சிறப்பாக செய்து இருக்கிறார்கள்.
இசையமைப்பாளர் அஜனிஸ் லோக்நாத் இசையில் ஒரு பாடல் என்றாலும் கேட்கும்ரகம்தான். பின்னணி இசை திரைக்கதை ஓட்டத்திற்கு ஏற்ப மிகப் பெரிய அளவில் பயணித்திருப்பது பாராட்டத்தக்கது.
.ஒளிப்பதிவாளர் தினேஷ் புருசோத்தமனின் ஒளிப்பதிவின் மூலம் ஆக்சன் காட்சிகள் மிகவும் நேர்த்தியாக கையாண்டிருப்பது இப்படத்திற்கு பெரிய பலமாக அமைந்துள்ளது.
தந்தை – மகள் செண்டிமெண்டை ரசிகர்கள் மனதில் மிக நேர்த்தியாக பதிய வைக்கும் விதத்தில் படத்தை நகர்த்தி சென்றிருக்கும் இயக்குநர் நித்திலன் சுவாமிநாதன், அழுத்தமான திரைக்கதையுடன் யாரும் எதிர்பார்க்காத யூகிக்க முடியாத கிளைமாஸ்க்குடன் படத்தை இயக்கியுள்ளார் இயக்குனர் நித்திலன் சுவாமிநாதன். கதையைவிட அதைக் கொடுக்கும் விதமே என் பலம் சொல்லி வெற்றி பெற்றிருக்கிறார் இயக்குனர்.
மொத்தத்தில், இந்த ‘மகாராஜா’ படம் கண்டிப்பாக ரசிகர்களை கவரும்.
ரேட்டிங் 3.5/5.
RADHAPANDIAN.