மிஷ்ரி எண்டர்பிரைசஸ் சார்பில் சி.எஸ்.பதம்சந்த், சி.அரியந்த் ராஜ், ரஜினி கிஷேன் தயாரித்திருக்கும் ‘ரஜினி கேங்’ படத்தை எழுதி இயக்கியிருக்கிறார் எம்.எஸ். ரமேஷ் பாரதி. இப்படத்தில் ரஜினி கீஷன், த்விவிகா, முனிஷ்காந்த், மொட்ட ராஜேந்திரன், கூல் சுரேஷ்,கல்கி ஆகியோர் நடித்துள்ளனர்.
இப்படத்தின் கதையைப் பொருத்தவரையில்,
கதாநாயகன் ரஜினி கிஷனும் கதாநாயகி த்விவிகாவும் மனதார காதலிக்கிறார்கள். காதலர்கள் ரஜினிகிஷனும், த்விவிகாவும்; ஓடிப்போய், ஒன்றாகத் தங்கள் வாழ்க்கையைத் தொடங்க முடிவு செய்கிறார்கள். இந்த சூழலில் அவர்களை முனீஷ்காந்த் தனது காரில் ஏற்றிக் கொண்டு தப்பிக்க உதவுகிறார். இந்நிலையில் நடுவழியில் திருடன் கல்கி அந்த காரை வழி மறித்து ஏறிக் கொள்கிறார். நகைகளை திருடிக் கொண்டு வந்த கல்கியும் இதே காரில் ஏறுவதால் பல திடுக்கிடும் சம்பவங்கள் ஏற்படுகின்றன. இரவு நேரத்தில் பயணிப்பதில் இவர்கள், ஏடாகூடமான இடத்தில் சிக்கி விடுகிறார்கள். நால்வரும் இரவு கடந்து மறுநாள் விழிக்கும் போது ஏற்காட்டில் இருக்கின்றனர்.
அங்கு, த்விவிகாவை திருமணம் செய்து கொள்ள ஆசைப்படும் தாய்மாமனான கூல் சுரேஷ், நின்றுக் கொண்டு இருக்கிறார். அவரை கண்டதும் காதலர்கள் இருவரும் ஓட்டம் பிடிக்கிறார்கள். இந்த சூழலில், கல்கி திருடி வந்த தாலியைக் கொண்டு த்விவிகாவின் கழுத்தில் கட்டி அவரை தனது மனைவியாக்கிக் கொள்கிறார் ரஜினி கிஷன். ஆனால் ரஜினிகிஷன் த்விவிகாவிற்கு கட்டும் தாலியில் ஒரு பேய் மறைந்து இருக்கிறது. அந்தத் தாலியில் பேய் இருப்பது வெளிச்சத்துக்கு வரும் போது, நாயகி த்விவிகாவுக்கு அதனால் பல சிக்கல்கள் உருவாகின்றன. அதன்பிறகு என்ன நடந்தது என்பதை காமெடி ஜானரில் சொல்லி இருக்கும் படம்தான் “ரஜினி கேங்”
கதையின் நாயகனான ரஜினி கிஷன், கதாபாத்திரத்திற்கு ஏற்றவாறு கச்சிதமாக பொருந்தியிருக்கிறார். அப்பாவித்தனமான முகத்தை வைத்துக் கொண்டு காமெடி ஜானரில் ஆட்டம், காதல், காமெடி என படம் முழுவதும் தனது நடிப்பு திறமையை வெளிப்படுத்தி நடித்திருப்பவர்… சிறுபிள்ளைகள் செய்யும் செயல்கள் அனைத்துமே ரசிக்கும்படியாக இருந்தது.
கதாநாயகியாக நடித்திருக்கும் த்விவிகா,பார்த்தவுடன் அனைவரையும் கவர்பவராக இருக்கிறார். அத்துடன் காட்சிக்கு என்ன தேவையோ, அதற்கேற்றவாறு நடித்திருப்பது கூடுதல் பலம்.
முனீஸ்காந்த்,மொட்டை ராஜேந்திரன்,கூல் சுரேஷ்,கல்கி ராஜா ஆகியோர் தங்களது நடிப்பில் அனைவரையும் சிரிக்க வைக்க முயற்சி செய்து இருக்கிறார்கள்.
ஒளிப்பதிவாளர் என்.எஸ்.சதீஷ் குமார், படம் வண்ணமயமாக இருக்க வேண்டும் என்று முடிவு செய்து தனது பணியை நிறைவாகவே செய்து இருக்கிறார்.
இசையமைப்பாளர் எம்.எஸ்.ஜோன்ஸ் ரூபெர்ட்டின் இசையில் பாடல்கள் கேட்கும் ரகம்தான். பின்னணி இசையிலும் குறை வைக்கவில்லை.
எழுதி இயக்கியிருக்கும் எம்.எஸ்.ரமேஷ்பாரதி, படம் முழுக்க நகைச்சுவையாக இருக்க வேண்டும் என்பதால் எந்தவொரு ஆபாச காட்சியும் இல்லாமல் குடும்பத்தோடு சிரித்து மகிழ வேண்டும் என்று அதிகமாக மெனக்கெட்டிப்பது ஒவ்வொரு காட்சியிலும் தெரிகிறது.
மொத்தத்தில், ‘ரஜினி கேங்க்’ காமெடி கலக்கல்.
ரேட்டிங் 3/5.
RADHAPANDIAN.