ரெவ்ஜென் ஃபிலிம் ஃபேக்டரி சார்பில் லெனின் தயாரித்திருக்கும் ‘ரெட் லேபில்’ படத்தை இயக்கியிருக்கிறார் கே.ஆர். வினோத். இப்படத்தில் நாயகியாக அஸ்மின் யாசர் நடிக்கிறார். மேலும் ஆர்.வி.உதயகுமார், முனீஸ்காந்த், அனுமோகன் மற்றும் பலரும் நடித்துள்ளனர்.
இப்படத்தின் கதையைப் பொருத்தவரையில்,
கோவையில் நேரு கலை மற்றும் அறிவியல் கல்லூரியில் படிக்கும் லெனின் அங்கு கல்லூரி மாணவத் தலைவராக விளங்குகிறார். அப்போது கல்லூரியில் நடக்கும் மாணவத் தேர்தல் முறைகளை கண்டறிந்து, அதில் நடந்த தவறுகளை தட்டி கேட்டு மீண்டும் மாணவர்கள் தனக்கு போட்ட ஓட்டுக்களை எண்ணச் சொல்லி ஒரு நேர்மையானவரான லெனின் மாணவத் தலைவராக வெற்றி பெறுகிறார் அதே கல்லூரியில் எம்எல்ஏ ஆர் வி உதயகுமாரின் மகள் அஸ்மினும் படிக்கிறார். அவர் லெனினுக்கு உதவியாக அவர் ஈடுபடும் செயல்களை புரிந்து கொண்டு உதவி செய்து வருகிறார். இதனால் எம்எல்ஏ ஆர். வி உதயகுமாருக்கும், லெனினுக்கும் பகை இருந்து வருகிறது. இந்த சூழலில் ஆர்வி உதயகுமார், காவல்துறை அதிகாரியுடன் இணைந்து லெனின் மீது பொய் வழக்கு போட்டு சிறையில் தள்ள எதிர்பார்த்துக் கொண்டிருக்கிறார்கள். இந்த சமயத்தில் சில ஆண்டுகள் கழித்து லெனில் படித்த அதே கல்லூரியில் மாணவர் தேர்தல் வருகிறது.
அந்த தேர்தலில் போட்டியிடுவதற்கு அஜய் களத்தில் இறங்குகிறார் . ஆனால் அவர் அரசியல்வாதி ஆ.வி. உதயகுமாரின் மகன் என்பதால் அந்த கல்லூரியில் மாணவர்களை மிரட்டி அட்டூழியம் செய்கிறார். இதனை கண்டித்து அவரது சகோதரி அஸ்மின் முன்னாள் மாணவரான லெனினை அழைத்து மாணவத் தேர்தல் நேர்மையான முறையில் செயல்பட உதவி செய்யுமாறு கூறுகிறார். லெனினும் அதே கல்லூரியில் படிக்கும் மற்றொரு மாணவரான தருண் என்பவரை மாணவத் தலைவர் தேர்தலில் போட்டியிட வைக்கிறார். லெனின் தருண் வெற்றி பெறுவதற்கான அத்தனை வேலைகளையும் கல்லூரியில் இருந்து கொண்டே செய்து வருகிறார்.
அந்த மாணவ தேர்தலில் தருண் வெற்றி பெறுகிறார். இந்நிலையில் அஸ்மின் குடும்பத்திற்கு தன் மகள் லெனினை காதல் செய்வது தெரிய வருகிறது. இதனால் கோபமடைந்த ஆர்.வி.உதயகுமார் தன் சொந்தத்தில் ரௌடியாக வலம் வரும் மாமாவை திருமணம் செய்து வைக்க ஏற்பாடுகள் நடக்கும் வேளையில், ஒரு கொலை வழக்கில் சிக்கி போலீசாரிடம் மாட்டிக்கொள்ளும் சூழல் லெனினுக்கு ஏற்படுகிறது. ஏற்கனவே சில குற்ற வழக்குகள் இருக்கும் சூழலில், கொலை குற்றத்திலும் சிக்கினால் எதிர்காலம் வீணாகிவிடும் என்பதால், குற்றத்தில் இருந்து தப்பிக்க, தனது காதலியான அந்த கல்லூரி மாணவி அஸ்மினின் உதவியோடு ஒரு திட்டம் போடுகிறார். அவர்கள் இருவரும் போட்ட திட்டத்தில் அந்த கொலை குற்றத்திலிருந்து லெனின் தப்பித்தாரா? இல்லையா? என்பதுதான் “ரெட் லேபில்” படத்தின் மீதிக் கதை.
அறிமுக நடிகரான லெனின் இந்தப் படத்தின் தயாரிப்பாளராக இருப்பதால், அவர் ஏற்று நடித்த கதாபாத்திரத்தை உணர்ந்து, கல்லூரி மாணவராகவும், அங்கிருந்து வெளியில் வந்திருக்கும் இளைஞராகவும் மிக சிறப்பாக நடித்திருக்கிறார். அவருக்கு இதுதான் முதல்படம் என்பது சொன்னால்தான் தெரியும் என்கிற அளவுக்கு மிக இயல்பாக நடித்திருக்கிறார்.
கதாநாயகிக்கு ஏற்ற தோற்றம் இல்லை என்றாலும் அளவான நடிப்பு மூலம் தனது பணியை நிறைவாக செய்திருக்கிறார் அஸ்மின். அவருக்கு திரைக்கதையில் முக்கியத்துவம் கொடுத்து இருப்பதால் அதை உணர்ந்து நடித்திருக்கிறார்.
இயக்குனர் ஆர்.வி. உதயகுமார், ஒரு சிரித்தே தன்னுடைய வில்லத்தனத்தை காட்டி இருக்கிறார். கதையின் முக்கிய வில்லத்தனம் கலந்த கதாபாத்திரத்தில் அனுபவம் வாய்ந்த நடிப்பால் மிரட்டியுள்ளார். இப்படத்திற்கு பிறகு நிறைய படங்கள் இவரைத் தேடி வரும் என்பதில் சந்தேகம் இல்லை.
எம்.எல்.ஏ உதயகுமார்ருடன் கூடவே வரும் அவரது உதவியாளர் அனு மோகன், கொங்கு வட்டார பாஷையிலே பேசி சிறிது கலகலப்பூட்டி இருக்கிறார்.
முனீஷ்காந்த்,, அஜய், தருண், கெவின், கார்மேகம், சசி, அனுஷா ஆகியோரும் நடித்திருக்கிறார்கள்.
ஒளிப்பதிவாளர் சதீஷ் மெய்யப்பன் கல்லூரி காட்சிகளையும் மாணவர்களின் கூட்டம், கல்லூரியில் நடைபெறும் ஆட்டம், பாட்டம் என அனைத்தையுமே கலர்ஃபுல்லாக படமாக்கி இருக்கிறார்.
கைலாஷ் மேனின் இசையில் பாடல்களும், பின்னணி இசையும் கதைக்கு ஏற்ப பயணித்திருக்கிறது.
பொன்.பார்த்திபன் சஸ்பென்ஸ், திரில்லர் வகையில் இந்தப் படத்திற்கு திரைக்கதை எழுதியிருந்தாலும் இப்படத்தில் அரசியல், காதல் மற்றும் மனித உறவுகளை ஒருங்கிணைக்கும் வித்தியாசமான கதைக் களத்திற்கு ஏற்றவாறு இயக்குநர் கே.ஆர்.வினோத் நடிகர், நடிகைகளை மிக அழகாக நடிக்க வைத்து மிகுந்த எதிர்பார்ப்போடும் படபடப்போடும் பார்க்க வைத்திருக்கிறார்.
மொத்தத்தில், ‘ரெட் லேபில்’ அனைவரும் ரசிக்கும் படம்.
ரேட்டிங் 3/5.
RADHAPANDIAN.