‘அனோமி’ என்ற இப்படத்தில் நடித்த நடிகர்கள் & நடிகைகள் :
பாவனா @ ஜாரா பிலிப்
ரஹ்மான் @ ஜிப்ரான்
ஷெபின் பென்சன் @ ஜியான் பிலிப்
விஷ்ணு அகஸ்தியா @ பிரசாத் ஈஸ்வர்
பினு பப்பு @ DR. ஷண்முகம்
அர்ஜுன் லால் @ DR.அல்பீ
எழுத்து & இயக்கம் : ரியாஸ் மராத்
தயாரிப்பாளர் : குமார் மங்கட் பதக் , அபிஷேக் பதக் , பிளிட்ஸ்க்ரிஏஜி பிலிம்ஸ் , பாவனா & ஆதித் பிரசனாகுமார்
இணை தயாரிப்பாளர்: ராம் மிற்சண்டனி, ராஜேஷ் மேனன்
கிரியேடிவ் தயாரிப்பாளர் : அபினவ் மெஹரோட்ரா
ஒளிப்பதிவாளர்: சுஜித்சாரங்
இசை : ஹர்ஷவர்தன் ராமேஸ்வர்
படத்தொகுப்பு: கிரியன் தாஸ்
விநியோகம் & ஒளிபரப்பு – முதன்மை செயல் அதிகாரி: முரளிதர் சஹத்வானி (Panorama Studios)
தலைமை நிதி அலுவலர் : ரவீந்தர் ஆஉட்டி (Panorama Studios)
திரைப்பட விநியோகம் & திரையிடல் – தலைவர் : தர்ஷன் ஷா (Panorama Studios)
கலரிஸ்ட் : ஜயதேவ் திருவெய்பதி
DI ஸ்டுடியோ : போயட்டிக் ஸ்டுடியோ
தயாரிப்பு மேற்பார்வை : அருண் ஜாக்ஸ்
ஒலி வடிவமைப்பு: சிங் சினிமா
ரீ ரெகார்டிங் : ஃபசல் ஏ பேக்கர்
மேக்கப் கலைஞர்: அமல் சந்திரன்
காஸ்டியும் : சமீரா சனீஷ்
வடிவமைப்பு : யெல்லோடூத்்ஸ்
முதன்மை இணை இயக்குநர்: அருண் தேவ்
ஸ்டில்ஸ் : ஸ்ரீஜித் செட்டிபடி
VFX: எக் வைட் & டிஜிப்ரிக்ஸ்
தயாரிப்பு மேற்பார்வையாளர்: ராகுல் அனீஷ்
மார்க்கெட்டிங் தலைவர்: பாத்திமா நாக்ரீ (Panorama Studios)
ஆடியோ நிறுவனம் : டி-சீரிஸ் மியூசிக்
இப்படத்தின் கதையைப் பொருத்தவரையில்,
எதிர்பாராத விதத்தில் பெற்றோரை இழந்த பாவனாவும் அவரது தம்பி ஜியானும் ஒரே வீட்டில் வாழ்ந்து வருகிறார்கள். அந்த விபத்தில் ஜியான் கூடவே இருந்ததால் மன ரீதியான ஒரு சில பிரச்சனைகளால் தனது பெற்றோரை நினைத்து அடிக்கடி வேதனைப்பட்டு தற்கொலை முயற்சியில் ஈடுபட்டுக் கொண்டிருக்கிறான். இதனால் மருத்துவ ஆலோசனையைப் பெற்று வரும் ஜியான் தனது அம்மாவின் குரல் காதில் ஒலிப்பதாகவும் அம்மா அழைக்கிறாள் என்றும் மன ரீதியாக தவிக்கிறான். இதனால் மன வேதனையடைந்த பாவனா அவரைக் காப்பாற்றி தன்னுடனேயே பாதுகாத்து வருகிறார். தடயியல் நிபுணராக வேலை பார்த்து வரும் பாவனா, தற்கொலை செய்து கொண்ட வாலிபர் ஒருவரின் வழக்கை நேரில் சென்று தடயங்களை ஆராய்ந்து விட்டு, வீட்டிற்கு வரும்போது அங்கு தனது தம்பி ஜியான் இல்லாததைக் கண்டு அதிர்ச்சியடைகிறார்.
பல இடங்களில் தேடி அலைந்தும் தன் தம்பி கிடைக்காத நிலையில் ஒரு சில தினங்களில் அதேமுறையில் பாவனாவின் தம்பியும் இறக்கிறார். அவன் அருகே மயக்கவியலில் பயன்படுத்தப்படும் மருந்து பாட்டிலும் கிடைக்கிறது. இதனால் இது தற்கொலையா அல்லது கொலையா என்பது புரியாமல் என்ன செய்வதென்று தெரியாமல் பித்து பிடித்தவர் போல் ஆகிறார் பாவனா. இந்த சூழலில் இவ்வழக்கை கையில் எடுத்து விசாரிக்க தொடங்குகிறார் காவல்துறை அதிகாரி ரகுமான். இந்த இரண்டு மரணங்களுக்கு இருக்கும் ஒற்றுமை மற்றும் பிரேத பரிசோதனையில் கிடைத்த சில தகவல்களை வைத்து, இரண்டும் கொலை என்பதை பாவனா கண்டுபிடிக்கிறார். அனால் இரண்டும் தற்கொலை தான் என்று வழக்கை முடிக்க பார்க்கிறார் ரகுமான். ஒரு சில தடயங்களை வைத்து பிடிவாதமாக இருந்த பாவனா, இது தற்கொலை அல்ல.. கொலை என்றும், இது தன்னுடைய தம்பியோடு நிற்காமல் ஒரு சைக்கோ கொலைகாரன் ஒருவன் தம்பியோடு சேர்த்து மேலும் இருவரையும் கொன்றிருப்பதாக நீதிபதியிடம் ஆதாரங்களோடு நிரூபிக்கிறார் பாவனா. இப்படித் தற்கொலை எண்ணம் கொண்டவர்களைக் குறி வைத்து அவர்களை வேறொரு தீய சக்தி தொடர்ந்து கொலை செய்து வருவது தெரிகிறது. தொடர்ந்து காவல்துறை அதிகாரி ரகுமான் தேடலில் இருக்கும்போது ஒருவனைக் கண்டுபிடித்து காவல்துறை கஸ்டடியில் வைக்கிறார்கள்.அவன் தொடர்ந்து விசாரிக்கும்போது இது கொலை அல்ல என்றும் இது ஒரு ஆராய்ச்சி என்றும் கூறுகிறான். காவல்துறை அதிகாரி ரகுமான் எதற்காக இந்த கொலைகளை செய்தாய் என்று கேட்டபோது அவன் சொல்லும் சொற்கள் அதிர்ச்சி ஊட்டுகின்றன. இறுதியில் அவன் எதற்காக இந்த கொலைகளை செய்தான் ? என்ற கேள்விகளுக்கு ‘அனோமி’ படம் பார்த்தால் பதில் தெரியும்.
நீண்ட இடைவெளிக்குப் பிறகு பாவனா இதில் சாரா என்ற கதாபாத்திரத்தில் நடித்துள்ளார். படம் முழுக்க ஒரு பொறுப்பான சகோதரியாகவும் தடயவியல் ஆய்வாளராகவும் தனது தோற்றம் உடல் மொழி, முகபாவனை என நடிப்பில் முற்றிலும் மாறுபட்டு அசத்தி இருக்கிறார். அவர் திரட்டும் தடயங்கள், அவற்றின் மூலம் கொலையாளியை அவர் நெருங்கும் விதம் ஆகிய எல்லா இடங்களிலும் மிகப் பொருத்தமாக நடித்து அந்த கதாபாத்திரத்திற்கு பலம் சேர்த்திருக்கிறார்.
காவல்துறை அதிகாரியாக நடித்திருக்கும் ரகுமான் ஒரு உண்மையான அதிகாரியாகவே வாழ்ந்து இருக்கிறார். பல படங்களில் இது போன்ற கதாபாத்திரங்களில் நடித்திருந்தாலும், இந்தப் படத்தில் கதாபாத்திரத்தின் தன்மையை உணர்ந்து அவர் சிறப்பாகவே நடித்துள்ளார்.
பாவனாவின் தம்பியாக நடித்திருக்கும் ஷெபின் பென்சன், காதலனாக நடித்திருக்கும் அர்ஜுன் லால், பினு பப்பு, விஷ்ணு அகஸ்தியா என மற்ற கதாபாத்திரங்களில் நடித்திருப்பவர்கள் தங்களுக்கு கொடுத்த பணியை மிக சிறப்பாக செய்து இருக்கிறார்கள்.
ஹர்ஷவர்தன் இராமேஸ்வரின் இசையில் பாடல்கள் கதையோடு பயணித்திருப்பதால் கேட்கும் ரகம்தான். பின்னணி இசையில் அதிக சத்தம் இல்லாமல் ரசிகர்களை ரசிக்க வைத்து இருக்கிறார்.
இப்படத்தை கிரைம் சஸ்பென்ஸ் திரில்லர் மற்றும் சைக்கோ திரில்லர் ஜானரில் எழுதி இயக்கியிருக்கும் ரியாஸ் மராத், இப்படத்தின் முதல் பாதி ஒரு வழக்கமான சைக்கோ த்ரில்லராக மிகவும் விறுவிறுப்பாகவும், தடையவியல் நுணுக்கங்களுடன் நகர்ந்தாலும், இரண்டாம் பாதியில் முற்றிலும் வித்தியாசமாக யோசித்து அதற்கேற்ப திரைக்கதையையும் அமைத்து, மனநிலை மருத்துவர்கள், புலனாய்வுப் பணிகள், தடயவியல் துறையினரின் பல்வேறு நுணுக்கங்களையும் புகுத்தி படு வேகமாகவும், பரபரப்பாகவும் உருவாக்கி ரசிகர்களை கவர்ந்து இருக்கிறார் இயக்குனர்.
மொத்தத்தில், ‘அனோமி’ படம் கிரைம் திரில்லர் ஜானரில் ரசிக்க வேண்டிய படம்.
ரேட்டிங் 3.5/5.
RADHAPANDIAN.