ஏ.ஆர். இசையில் வெளி வந்து தமிழ் ரசிகர்கல் மத்தியில் பெரிய அளவில் பாராட்டு பெற்ற பாடலான ‘முஸ்தபா முஸ்தபா’ என்ற தலைப்பில் நட்பு, உண்மை, நம்பிக்கை போன்ற உணர்வுகளை நினைவூட்டு கின்ற அளவிற்கு வெளி வந்திருக்கும் படம்தான் இந்த ‘முஸ்தபா முஸ்தபா’
இப்படத்தில் சதீஷ், சுரேஷ் ரவி, மோனிகா சின்னகோட்லா, மானசா சௌத்ரி, கருணாகரன், புகழ், ஜாவா சுந்தரேசன், லிவிங்ஸ்டன், உமா, சூப்பர் குட் சுப்பிரமணி, பாவெல் நவகீதன், ஐஸ்வர்யா தத்தா, விஜே பார்வதி, விஜே மகேஸ்வரி, மற்றும் சாணக்யன் உள்ளிட்ட பலர் நடித்துள்ளனர்.
இப்படத்தின் கதையைப் பொருத்தவரையில்,
தொலைக்காட்சி தொகுப்பாளரான சதீஷும் மருத்துவரான மோனிகா சின்ன கொட்லாவும் ஒருவரை ஒருவர் வாழ்க்கை நிலையை புரிந்துக் கொண்டு காதலர்களாக வலம் வந்துக் கொண்டிருக்கிறார்கள். இந்த காதலின் குறுக்கே எந்த வில்லனும் இல்லாததால் இரு வீட்டார் சம்மதத்துடன் இருவரது திருமணத்திற்கு நாள் குறிக்கப்படுகிறது. திருமணத்திற்கு இரண்டே நாள் இருக்கும்போது சதீஷ், வேறொரு பெண்ணுடன் படுக்கை அறையில் நெருக்கமாக இருக்கும் அந்தரங்க வீடியோ ஒன்று இணையத்தில் பரவி வருகிறது. தனது நண்பர் மூலம் இந்த தகவலை அறிந்துக் கொள்ளும் சதீஷ், பொய் சொன்னதற்கே காதலை துண்டித்த மோனிகாவுக்கு விசயம் தெரிந்தால் திருமணம் நின்றுவிடும் என்ற பயத்தில், திருமணத்திற்கு முன்பாக எப்படியாவது அந்த வீடியோவை நீக்கும் முயற்சியில் ஈடுபடுகிறார். இதனால் தனது திருமணத்திற்கு தடை வந்துவிடும் என்ற எண்ணத்தில் அந்தப் இணையத்தில் உள்ள படுக்கை அறையில் நெருக்கமாக இருக்கும் அந்தரங்க காட்சியை அழிப்பதற்காக போராடுகிறார். இந்த இக்கட்டான நிலையில் இருந்து தப்பிக்க தனது நெருங்கிய நண்பன் சுரேஷ் ரவியின் உதவியை நாடுகிறார். அவரும் தனது நண்பர்கள் மற்றும் கருணாகரன் ஆகியோருடன் இணைந்து, இந்த வீடியோவை இணையத்தில் இருந்து நீக்க போராடுகிறார். இறுதியில் அந்த அந்தரங்க வீடியோவில் உள்ள காட்சிகள் என்ன? அதை பதிவேற்றியது யார்? அதை காட்சிகளை எப்படித் முறியடித்தார்கள்? என்பதை காமெடியாக சொல்லி இருக்கும் படம்தான் இந்த ‘முஸ்தபா முஸ்தபா’
தொலைக்காட்சி ஒன்றில் பணியாற்றும் கதையின் நாயகன் சதீஷ், எந்தக் கதையாக இருந்தாலும், நகைச்சுவையைத்தான் மக்கள் எதிர்பார்ப்பார்கள் என்பதை உணர்ந்து அதற்கேற்ப நடித்திருக்கிறார். திருமண சமயத்தில் எதிர்கொள்ளும் பிரச்சனைகளையும், அதை சரி செய்ய எதிர்கொள்ளும் போராட்டங்களையும் தனது நண்பர்கள் மூலம் அந்த சிக்கலில் இருந்து வெளி வரும் காட்சிகளிலுமதில் அவர் காட்டும் பதற்றமும் ரசிக்க வைக்கிறது., சதீஷின் கதாபாத்திரம் காமெடியை முன்னிறுத்தியே அமைக்கப்பட்டுள்ளது. ஓரளவு அதை பூர்த்தியும் செய்துள்ளார்.
சதீஷின் நண்பராக, படத்தின் மற்றொரு நாயகனாக படம் முழுதும் வரும் சுரேஷ் ரவி, தனது வேலையைக் குறையின்றிச் செய்திருக்கிறார்.
இரண்டு நாயகர்களின் நண்பராக நடித்திருக்கும் கருணாகரன், வழக்கம் போல் தனது டைமிங் வசனங்கள் மூலம் படத்தின் முக்கியமான திருப்புமுனை கதாபாத்திரத்தில் நடித்து கவனம் ஈர்க்கிறார். அவரது கதாபாத்திரம் கதையின் திருப்பத்திற்கும் உதவுகிறது.
சதீஷுக்கு ஜோடியாக நடித்திருக்கும் மோனிகா சின்னகொட்லா, சுரேஷ்ரவிக்கு ஜோடியாக நடித்திருக்கும் மானசா செளத்ரி ஆகியோருக்குப் பெரிய அளவில் படத்தில் இருப்பு இல்லை என்றாலும் வருகிற இடங்களில் நிறைவாகச் செய்து வரவேற்புப் பெறுகிறார்கள்.
நகைச்சுவையை அடிப்படையாகக் கொண்ட படம் என்பதால், சாம்ஸ், லிவிங்ஸ்டன், உமா, புகழ், சூப்பர் குட் சுப்பிரமணி ஆகிய நடிகர்களைத் தேர்ந்தெடுத்து நடிக்க வைத்திருக்கிறார்கள்.அவர்களும் தங்களுக்கு கொடுத்த பணியைச் சரியாகச் செய்து சிரிக்க வைக்கிறார்கள்.
ஒளிப்பதிவாளர் கே.எஸ்.விஷ்ணு ஸ்ரீ படம் முழுவதையும் வண்ணமயமாக காட்சிப்படுத்தியிருக்கிறார்.
இப்படத்தில் இருக்கும் துள்ளலை ரசிக்கும்படியான பாடல்களைக் கொடுத்திருக்கிறார் இசையமைப்பாளர் எம்.எஸ்.ஜோன்ஸ் ரூபர்ட். பின்னணி இசையிலும் காட்சிகளுக்குப் பலம் சேர்த்திருக்கிறார்.
நகைச்சுவைக்கு முக்கியத்துவம் கொடுத்து கதை எழுதி இயக்கி இந்தப் படத்தை உருவாக்கி இருக்கிறார் பிரவீன் சரவணன். திருமணம் செய்துக் கொள்ளும் சூழலில் பெரிய பிரச்சனையில் சிக்கிக் கொள்ளும் நாயகன், தனது நண்பர்களின் உதவியோடு அந்த பிரச்சனையில் இருந்து மீள்வதற்கான போராட்டத்தை கலகலப்பாகவும், காமெடியாகவும் சொல்ல முயற்சி செய்து அதை சுவாரஸ்யமாக, வலுவாக, நினைவில் நிற்கும் வகையில் சொல்ல முடியாமல் சலிப்பை ஏற்படுத்திருக்கிறார் இயக்குனர்.
மொத்தத்தில், ‘முஸ்தபா முஸ்தபா’ காமெடி இருந்தாலும் சிரிப்பு வரவில்லை.
ரேட்டிங் 2.5/5.
RADHAPANDIAN.