அனைத்து திரையரங்குகளிலும் வெளி வந்து வெற்றிகரமாக ஓடிக் கொண்டிருக்கும் ‘LIK ‘ லவ் இன்சூரன்ஸ் கம்பெனி ‘ படத்தில் பிரதீப் ரங்கநாதன் , கிருத்தி ஷெட்டி, சீமான் ,எஸ் ஜே சூர்யா ,யோகி பாபு ,கௌரி ஜி கிஷன், ஷாரா , ஆனந்தராஜ், மாளவிகா நடித்துள்ளனர்.விக்னேஷ் சிவன் இயக்கியுள்ளார். அனிருத் இசையமைத்துள்ளார் எஸ் எஸ் லலித் குமார் வழங்கும் இப்படத்தை ரவுடி பிக்சர்ஸ் சார்பில் நயன்தாரா தயாரித்துள்ளார்.
இப்படத்தின் கதையைப் பொருத்தவரையில்,
இந்த “LIK” ( லவ் இன்ஸ்யூரன்ஸ் கம்பெனி ) திரைப்படம் எதிர் வரும் ஒரு காலத்தில் என்ற வகையில் க் நடப்பதாகத் தொடங்குகிறது. 2040- ஆம் ஆண்டில் ஒரு பெண்ணை காதலித்து திருமணம் செய்து கொண்ட எஸ்.ஜே. சூர்யா, திருமண வாழ்க்கையில் தோல்வி ஏற்படுகிறது. இனி எந்த காதலர்களுக்கும் இத்தகைய நிலை ஏற்பட கூடாது என்பதற்காக, அதிநவீன தொழில்நுட்ப செயலியை உருவாக்க முயன்று பல வருட உழைப்பிற்குப் பிறகு 2040 ஆம் ஆண்டில் ‘லவ் இன்சூரன்ஸ் கம்பெனி’ (Love Insurance Kompany – LIK) என்ற செயலியை கண்டுபிடிக்கிறார். அதன் புரிதல் என்னவென்றால் அந்த செயலி காதலிப்பவர்கள், காதலிப்பதாக நினைப்பவர்கள் இருவரிடையே உள்ள பொருத்தத்தைச் சரியாகத் துல்லியமாகக் கணித்துச் சொல்லும். அது மட்டுமல்ல கணவன் மனைவி இருவர் இடையே உள்ள விஷயத்தையும் ஒருவருக்கொருவர் பாசத்துடன் இருக்கிறார்களா? இல்லையா? என்பதையும் வெளிப்படையாகச் சொல்லிவிடும் தன்மை கொண்டதாக அது இருக்கும்.
இந்த சமயத்தில் இளைஞனான பிரதீப் ரங்கநாதன், இளம் பெண் கிரித்தி ஷெட்டியை பார்த்த அடுத்த நொடி காதலில் விழுந்து, அவரிடம் நட்பாக பழகுகிறார். அந்த இருவரது நட்பு காதலாக மாறுகிறது. இந்த சூழலில் தவறு செய்பவர்களை திருத்துவதற்காக பசுமை உலகம் என்ற தொழில்நுட்ப வசதிகள் இல்லாத ஒரு இடத்தை உருவாக்கி நடத்தி வருகிறார் பிரதீப் ரங்கநாதனின் தந்தை சீமான்.
தன் தந்தையின் வழிகாட்டுதலின்படி கைபேசி பயன்படுத்தாத நபராக வாழ்ந்து வருகிறார் பிரதீப். இந்த சூழலில் இவர்களுக்குள் காதல் இருக்கிறதா? இல்லையா? என்பதை கண்டறிய கிரித்தி ஷெட்டியை கண்டதும் காதல் கொள்ளும் அவர் தன் காதலுக்காக தந்தைக்கு தெரியாமல் கைபேசி வாங்குகிறார். அப்போது எஸ்.ஜே. சூர்யாவிடம் சென்று “LIK” செயலியில் காதலர்கள் இருவரும் கைகோர்த்து சோதிக்க முயலும்போது. அவர்களுக்குள் காதல் இல்லை… 3 சதவீதம் தான் காதல் இருக்கிறது என்று செயலி காட்டுகிறது. அந்தச் செயலி, நாயகன் பிரதீப்பின் காதலுக்குக் குழி தோண்டி புதைத்து இருவரையும் பிரித்து விடுகிறது.அதனால் வெகுண்டெழும் பிரதீப் , அந்தச் செயலி மட்டுமல்ல எந்தக் கருவியாலும் காதலை அழிக்கமுடியாது என்பதை நிரூபித்து காட்ட போராடுகிறார். அந்த காதல் போராட்டத்தில் கிரித்தி ஷெட்டியை காதலித்து பிரதீப் ரங்கநாதன் கை பிடித்தாரா? இல்லையா? என்பதுதான் க்லவ் இன்சூரன்ஸ் கம்பெனி ‘ படத்தின் மீதிக் கதை.
இப்படத்தில் கதாநாயகனாக பிரதீப் ரங்கநாதன், வைப் வஸ்ஸி என்ற கதாபாத்திரத்தில் வருகிறார். தான் ஏற்றிருக்கும் எளிமையான கதாபாத்திரத்திற்கு தனது தனித்துவமான மேனரிசத்துடன் வழக்கம் போல் தனது சிறந்த நடிப்பின் மூலம் பெரும் இப்படத்திற்கு வலிமை சேர்த்திருக்கிறார். கிரித்தி ஷெட்டியை கண்டதும் காதல் என்றாலும், தன் காதலி மீது அவர் வைத்திருக்கும் அன்பை வெளிக்காட்டும் காட்சிகளில் இருக்கும் காதல் உணர்வை, தன் கண்கள் மூலமாக வெளிப்படுத்தும் இடங்களில் அசத்தியிருக்கிறார். காதலுக்காக தன்னம்பிக்கையோடு போராடும் காட்சிகளிலும் சிறப்பாக நடித்திருப்பதோடு, காதல் எல்லாவற்றையும் விடப் பெரிது என்று இளைஞர்களின் மனதை கவர்கிறார்.
கிரித்தி ஷெட்டி பிரதீப்பின் காதலி தீமாவாக அழகிலும் கவர்ச்சியிலும் வசீகரிக்கும் அவர் அழகு தேவதையாக வலம் வருகிறார். சமூக வலைதள மோகம் மற்றும் தாய் பாசத்திற்கான ஏக்கத்தை தன் கண்கள் மூலம் அழகாக வெளிப்படுத்தியிருக்கிறார். எளிதில் உணர்ச்சி வசப்படும் எதிர்கால பெண்களின் மனப்போக்கையும், குணச்சித்திரத்தையும் தனது நடிப்பின் மூலம் பிரதி பலித்துள்ளார்.
லைக் “LIK” செயலியின் நிறுவனராக, அரக்கதனமான வில்லன் சூரியன் கதாபாத்திரத்தில் வரும் எஸ்.ஜே.சூர்யா, மிரட்டல் நடிப்பை அற்புதமாக வெளிப்படுத்தியிருக்கிறார். தனது வழக்கமான பாணியை அளவாக கையாண்டு கதாபாத்திரத்திற்கு தேவையான நடிப்பை மட்டுமே கொடுத்து படத்திற்கு பலம் சேர்த்திருக்கிறார்.
பிரதீப் ரங்கநாதனின் தந்தையாக அன்புக்கடல் என்ற கதாபாத்திரத்தில் தொழில்நுட்பத்தை வெறுக்கும் ஒரு ஆர்கானிக் மனிதராக, ஒரு கொள்கை பிடிப்பான கதாபாத்திரத்தில் நடித்து சீமான் அனைவரின் கவனத்தையும் ஈர்க்கிறார்.
தனது தோற்றத்தில் வித்தியாசம் காட்டியிருக்கும் யோகி பாபு, நடிப்பிலும், நகைச்சுவையிலும் எந்த மாறுபாட்டையும் வெளிப்படுத்தவில்லை. கல்கியாக வரும் கௌரி கிஷன் உணர்ச்சி எதுவும் காட்டாமல் ஒரு பொம்மையைப் போல வருகிறார்.
நாயகனின் நண்பராக வரும் ஷாரா,நாயகியின் அம்மாவாக நடித்திருக்கும் மாளவிகா மற்றும் ஆனந்தராஜ், சுனில் ரெட்டி ஆகியோர் தங்களது பங்களிப்பை சரியாக செய்துள்ளனர்.
ரவி வர்மனின் ஒளிப்பதிவு பிரம்மாண்டத்தை நம் கண் முன் நிறுத்துகிறது. பல காட்சிகளை மிக அழகாகவும், அதே சமயம் நவீன தொழில்நுட்பம் நிறைந்ததாகவும் காட்டி இருப்பதை பாராட்டலாம்.
அனிருத்தின் இசையில் பாடல்கள் அனைத்தும் ஏற்கனவே கேட்ட மாதிரி இருக்கின்றன.ஆனால் பின்னணி இசை பிரமாண்டத்தை உயர்த்திப் பிடிக்கிறது.
எதிர்காலத்தில் அனைவரது நடை,உடை,பாவனை நாகரிகம் ஆகியவை அதாவது 2040 ஆண்டில் எப்படியிருக்கும்? என்பதை பலவித கற்பனையோடு எந்தக்காலத்திலும் காதலின் வலிமையை அழிக்க முடியாது.. என்பதைச் சொல்ல முனைந்திருக்கிறார் எழுதி இயக்கியிருக்கும் விக்னேஷ் சிவன். ஒரு கற்பனை கதையை, ஒரு சாதாரண மனிதனும் புரிந்து கொள்ளும் விதத்தில் ரசிகர்கள் ரசிக்கும்படி ஜாலியாகத் திரைக்கதை அமைத்து வெற்றி பெற்றுள்ளார்.
மொத்தத்தில், ‘Lik’ (லவ் இன்சூரன்ஸ் கம்பெனி) இளைஞர்கள் பார்க்க வேண்டிய படம்.
ரேட்டிங் 3/5.
RADHAPANDIAN.