நிவின் பாலி, மமிதா பைஜு,சங்கீத் பிரதாப் ,ரோஷன் ஷாநவாஸ் , ஷ்யாம் மோகன், சுரேஷ் கிருஷ்ணா, வினய் ஃபோர்ட், ஸ்ரிந்தா, ஷமீர் கான்,மீனாட்சி ரவீந்திரன், தங்கம் மோகன்,வெட்டுக்கிளி பிரகாஷ், பிந்து பணிக்கர் மற்றும் பலர் நடித்துள்ள படம்தான் ‘பெத்லகேம் குடும்ப யூனிட்’. இப்படத்தை இயக்குநர் கிரீஷ் ஏ.டி. இயக்கியுள்ளார்.
இப்படத்தின் கதையைப் பொருத்தவரையில்,
காதலில் தோல்வி அடைந்ததால் மத்திய வயதினரான நாயகன் நிவின்பாலி யாரையும் திருமணம் செய்து கொள்ளாமல் ஒரு கேட்டரிங் தொழிலை நடத்தி வருகிறார். இந்த சூழலில் ஆஷ்லி என்கிற மமிதா பைஜு, அவரது பெற்றோர் , சகோதரன் ஆலன் ஆகியோர் நிவின்பாலி வீட்டிற்கு எதிரே உள்ள ஒரு புதிய வீட்டிற்குக் குடியேறுகிறார்கள். ஏற்கெனவே தான் வாழ்ந்த வீட்டை விட்டு வந்ததில் சோகத்தில் இருக்கிறார் மமிதா பைஜு, .தனது புதிய வீட்டின் ஜன்னல் வழியாக வெளியே பார்க்கும்போது, எதிர் வீட்டில் தன்னைவிட சுமார் பத்துவயது மூத்தவரான நிவின்பாலியை பார்க்கும் சூழல் ஏற்படுகிறது.அந்த பகுதியில் மக்கள் சேவகனாக, அங்குள்ல அனைவராலும் விரும்பப் படுபவரான நிவின் பாலி தனது தம்பி சங்கீத் பிரதாப் உருவாக்கும் குறும்படங்களுக்கும் பக்கபலமாக இருக்கிறார். ஒரு கட்டத்தில் நிவின்பாலியும்,மமிதா பைஜு இருவரும் நட்பாக பழக, இருவர் மனதிலும் காதல் மலர்கிறது.
அதேசமயத்தில், மமிதா பைஜுவின் தந்தை மதுப்பழக்கம் கொண்டவர் என்பதால், அவரும், அவளது தாயாரும் எப்போதும் ஒருவித அச்சத்தோடும் நிம்மதியற்ற நிலையிலுமே காலத்தைக் கழித்து வருகின்றனர். மமிதா பைஜு நிவின்பாலி யிடம் தன் அன்பை வெளிப்படுத்தும்போது, அவரை விட வயது மூத்தவர் என்பதால், ஊராரின் பேச்சு மற்றும் குடும்பக் கட்டுப்பாடு ஆகியவற்றைக் கருத்தில் கொண்டு, ஆரம்பத்தில் மமிதா பைஜுவின் காதலை நிவின்பாலி, ஏற்க மறுத்து ஒதுங்கினாலும், ஆனால் அவரது உண்மையான அன்பைப் புரிந்து கொள்கிறார். ஒரு கட்டத்தில், இவர்களது ரகசியக் காதல் மமிதா பைஜுவின் குடும்பத்தினருக்குத் தெரியவருகிறது. இதனால் எழும் சிக்கல்கள் பல வித பிரச்சனைகள் இவர்களது காதலுக்கு தடையாக இருக்கின்றன. அவற்றையும் தாண்டி, இருவரும் மகிழ்ச்சியான வாழ்க்கையை அமைத்துக் கொண்டார்களா? இல்லையா? என்பதுதான் பெத்லகேம் குடும்ப யூனிட்’ படத்தின் மீதிக் கதை.
இப்படத்தில் மத்தியதர வயதினராக நடித்திருக்கும் நிவின்பாலி,அதற்குத்தக்க உடல்மொழியையும், கதாபாத்திரத்திற்குத் தேவையான முதிர்ச்சியையும், அதேசமயத்தில் இயல்பான கிண்டலையும் மிகத் துல்லியமாக வெளிப்படுத்தி நடித்திருப்பது அற்புதம். இப்படம் முழுவதையும் முழு தன் அனுபவபட்ட நடிப்பின் மூலம் தன் தோளில் சுமந்திருக்கிறார்.
ஆஷ்லி எனும் துடிப்பான கல்லூரிப் பெண்ணின் மனவோட்டங்களை மிக இயல்பாகத் தன் கதாபாத்திரத்தை உணர்ந்து திரையில் பிரதிபலித்துள்ளார் மமிதா பைஜு. காதலனுக்கும் தனக்கும் வயது வித்தியாசம் அதிகம் என்றாலும், அதைப் பற்றி யோசிக்காமல் தனது முகபாவனைகளால் காதலை அவர் சொல்லும் விதம் அனைவரையும் ரசிக்க வைக்கிறது.
நிவின் பாலியின் தம்பியாக நடித்திருக்கும் சங்கீத் பிரதாப், பிந்து பணிக்கர், சுரேஷ் கிருஷ்ணா, வினய் ஃபோர்ட், ஸ்ரிந்தா, ஷமீர் கான், மீனாட்சி ரவீந்திரன், அயசங்கர் கரிமுட்டம், தங்கம் மோகன், வெட்டுக்கிளி பிரகாஷ் என அனைத்து நடிகர்களும் கதாபாத்திரங்களுக்கு ஏற்றவாறு உணர்வு பூர்வமாக நடித்திருக்கின்றனர்.
ஒளிப்பதிவாளர் அஜ்மல் சாபு, தனது ஒளிப்பதிவில் ஒவ்வொரு அமைப்பையும் மிகுந்த கலை நயத்தோடும் ‘பெத்லகேம் குடும்ப யூனிட்’ என்பது ஒரு தேவாலயத்தைச் சுற்றி இருக்கும் வீடுகள், குடும்பங்கள் என கதைக்களத்தை ரசிக்க வைத்திருக்கிறார்.
ஒரு காதல் கதைக்கு ஏற்றவாறு வசனங்களால் சொல்ல முடியாத பல உணர்வுகளை இசை மூலம் சொல்லியிருக்கிறார் விஷ்ணு விஜய். பின்னணி இசையில் காதல் உணர்வுகளை மிக சிறப்பாக மேம்படுத்தியிருக்கிறார்.
வயது வித்தியாசம் அதிகமுள்ளோருக்கு இடையேயான காதல்,அதை அவர்கள் எதிர்கொள்ளும் பிரச்சனகள், சவால்கள் .ஒவ்வொரு மனிதனுக்குள்ளும் ஒளிந்திருக்கும் பலவீனங்கள் வெளிப்படும் தருணங்கள் இவை அனைத்தையும் இயக்குநர் கிரிஷ் ஏ.டி தனது இயக்கத்தில் மிகச் சிறப்பாக வெளிப்படுத்தி அசத்திள்ளார். இப்படத்தில் வரும் ஒவ்வொரு காட்சிகளையும் சிந்தித்துப் பார்த்தால் வாழ்க்கையில் சீரியஸாக எதுவுமில்லை என்று எண்ண வைக்கின்றன.
மொத்தத்தில், ‘பெத்லகேம் குடும்ப யூனிட்’ அனைத்து வயதினரும் ரசிக்க வைக்கும் படம்.
ரேட்டிங் 3.5/5.
RADHAPANDIAN.