“கான்ஜுரிங் கண்ணப்பன்” – திரைப் படவிமர்சனம்!

சென்னை:

“கான்ஜுரிங் கண்ணப்பன்” என்ற இப்படத்தில் கதாநாயகனாக சதீஷ், கதாநாயகியாக ரெஜினா கசாண்ட்ரா, சரண்யா பொன்வண்ணன், VTV கணேஷ், நாசர், ஆனந்த்ராஜ், ரெடின் கிங்ஸ்லி, நமோ நாராயணா, ஆதித்ய கதிர், எல்லி அவ்ராம், ஜேசன் ஷா, பெனடிக்ட் காரெட், மற்றும் பலர் நடித்திருக்கும் இப்படத்தை செல்வின் ராஜ் சேவியர் கதை எழுதி இயக்கி இருக்கிறார்.

எஸ். யுவா ஒளிப்பதிவு செய்திருக்கும் இப்படத்திற்க்கு யுவன் சங்கர் ராஜா இசையமைத்து இருக்கிறார். ஏஜிஎஸ் என்டர்டெயின்மென்ட் சார்பாக கல்பாத்தி எஸ் அகோரம், கல்பாத்தி எஸ் கணேஷ், கல்பாத்தி எஸ் சுரேஷ் ஆகியோர் தயாரித்து இருக்கிறார்கள்.

இப்படத்தின் கதையைப் பொறுத்தவரையில்,

கதாநாயகன் சதீஷ் இணையதளத்தில் கேம் டிசைனராக வரவேண்டும் என்ற ஆர்வத்தில் பல சாஃப்ட்வேர் கம்பெனிகளில் வேலைக்காக அலைந்து கொண்டிருக்கிறார்.. இந்த சூழ்நிலையில் அவர் ஒரு கம்பெனியில் இண்டர்வியூக்கு செல்ல வேண்டும் என்று அவசரமாக கிளம்பி கொண்டிருக்கிறார். அப்போது அவர் குளிக்க சென்றபோது, குளியறையில் உள்ள குழாயில் இருந்து தண்ணீர் வரவில்லை. அதனால் தன் வீட்டிற்கு பின்னால் இருக்கும் கிணற்றில் தண்ணீர் எடுக்கும் போது அந்த வாளியில் “ட்ரீம் கேட்ச்சர்” என்ற யாரோ சூனியம் வைத்த பொம்மை ஒன்று கிடைக்கிறது. அது ஏதோ ஒரு சாதாரண பொம்மை என்று நினைத்து அதிலிருந்து ஒரு இறகை பிரித்து விடுகிறார் சதீஷ்.

அன்று இரவு அவர் படுக்கும் தூங்கும்போது கனவில் ஒரு பாழடைந்த பங்களாவில் பேய் துரத்துகின்ற மாதிரி கனவு காண்கிறார். தினமும் அந்த  பாழடைந்த பெரிய பங்களாவில் உள்ள பேய்கள் அவரது கனவில் வந்து மிரட்டுகின்றன. இதன் பிறகு சதீஷின் அம்மா சரண்யா, அப்பா வி டிவி கணேஷ், மாமா நமோ நாராயணா, டாக்டர் கிங்ஸ்லி மற்றும் பைனான்ஸ்ஸிரான ஆனந்த்ராஜ் ஆகியோர் அந்த கனவில் சிக்குவதால், அந்தப் பேய்களிடமிருந்து தப்பிக்க அனைவரும் பல விதத்தில் முயற்சி செய்கிறார்கள். கடைசியில் அந்த பேய்கள் இவர்களது கனவில் வந்து எதற்காக மிரட்டுகின்றன? அந்த பேய்கள் யார்? என்பதுதான் ‘கான்ஜுரிங் கண்ணப்பன்’ என்ற இந்த படத்தின் மீதி கதை.

‘கண்ணப்பன்’ என்ற கதாநாயகனாக சதீஷ் நடித்திருக்கிறார். கனவில் குழம்புவது, பேய்களைக் கண்டு அலறுவது போன்ற சீரியஸான காட்சிகளில் சதீஷின் நடிப்பு மிக சிறப்பாக  இருக்கிறது.  நகைச்சுவை காட்சிகளில் சிறிதளவு அனைவரையும் சிரிக்கவும் வைக்கிறார். நகைச்சுவை நடிகன் மட்டுமல்ல, கதாநாயகனாகவும் தனக்கு  எந்த ஒரு கதாபாத்திரம் கொடுத்தாலும் தன்னால் சிறந்த முறையில் நடிக்க முடியும் என்பதை இந்த திரைப்படம் மூலம் நிரூபித்து காட்டி இருக்கிறார் கதாநாயகன் சதீஷ்.

பேய் ஓட்டுபவராக ஒரு சில காட்சிகளில் வந்தாலும்  ரெஜினா கசாண்ட்ரா தனக்குக் கொடுக்கப்பட்ட வேலையை சிறப்பாக நடித்து அசத்தியுள்ளார். ரெஜினா கசாண்ட்ராவின் உடை, நடை அனைத்தும் இந்த கதாபாத்திரத்திற்கு மிகவும் கச்சிதமாக பொருந்தி இருக்கிறது. பேயாக வரும் நடிகை எல்லி அவ்ர்ராம் நடிப்பு ரசிக்கும்படி இருக்கிறது.

படம் ஆரம்பத்திலேயே ‘லட்சுமி’ என்ற வழக்கமான அம்மா கதாபாத்திரத்தில் வரும் சரண்யா பொன்வண்ணன். யூடியூபராக அவர் செய்யும் அலப்பறைகள் முலம் சிரிக்க வைக்க முயற்சி செய்து இருக்கிறார்..

விடிவி கணேஷ், நமோ நாராயணா, ஆதித்யா கதிர் என படத்தில் ஏராளமான நகைச்சுவை நட்சத்திரங்கள் இருந்தாலும், நம்மை சிரிக்க வைப்பது ஆனந்தராஜும், ரெடின் கிங்ஸ்லி இருவர் மட்டும்தான். பேய் ஓட்டும் நிபுணர் ‘எக்ஸார்சிஸ்ட் ஏழுமலை’யாக வருகிறார் நாசர். இவர் தனது அனுபவமான நடிப்பினால் அந்த கதாபாத்திரம் மூலம் படத்திற்கு பலம் சேர்த்திருக்கிறார்.

ஒளிப்பதிவாளர் எஸ் யுவாவின் அந்த பாழடைந்த பேய் பங்களாவில் லைட்டிங் மற்றும் ஒளிப்பதிவு ஹாலிவுட் திரைப்படங்கள் உள்ள ஒளிப்பதிவு போல் இருக்கிறது. அவரது ஒளிப்பதிவு சிறந்த முறையில் லைட்டிங் செய்து இருப்பது பாராட்டத்தக்கது.

ஹாரர் திரில்லருக்குத் தேவையான பின்னணி இசையை சிறப்பாகத் தந்திருக்கிறார் யுவன் சங்கர் ராஜா.

தமிழ் திரைப்பட உலகில் இதுவரையில் எத்தனையோ பேய் படங்கள் அமானுஷ்ய படங்கள் வந்திருந்தாலும் இந்த திரைப்படமும் வழக்கமான பேய் திரைப்படங்களுக்கு உண்டான பங்களா, பிளாஷ்பேக் என மற்ற பேய் படங்கள் போல் இல்லாமல், கனவுலகில் பேய் வந்து மிரட்டுகிற மாதிரி புதிதாகஒரு  கதையை வடிவமைத்து, அதற்கேற்றவாறு அருமையான திரை கதையை கொடுத்து இந்த  ‘கான்ஜுரிங்கண்ணப்பன்’ திரைப்படத்தை இயக்கி இருக்கிறார் இயக்குனர் செல்வின் ராஜ் சேவியர். இது மாதிரி புதுமையான கதைகளை உருவாக்கி மேன்மேலும் வெற்றி பெற இயக்குனருக்கு வாழ்த்துக்கள்.

மொத்தத்தில், இந்த ‘கான்ஜுரிங் கண்ணப்பன்’ பேய் பட ரசிகர்களுக்கு விருந்து.

ரேட்டிங் 3/5.

RADHAPANDIAN.