“லவ்வர்” திரைப்பட விமர்சனம்!

சென்னை:

மில்லியன் டாலர்  ஸ்டுடியோஸ், எம் ஆர் பை என்டர்டெயின்மென்ட் நசரேத் பசிலியான், யுவராஜ் கணேசன் ஆகியோர் இணைந்து தயாரித்திருக்கும் படம்தான் “லவ்வர்” இப்படத்தில் மணிகண்டன்,   ஶ்ரீ  கவுரி பிரியா,  கண்ணா ரவி, சரவணன், கீதா கைலாசம், ஹரிஷ் குமார்,  ரினி நிகிலா, அருணாசலேஸ்வரன் ம்ற்றும் பலர் நடித்திருக்கிறார்கள். இப்படத்திற்க்கு பிரபு ராம் வியாஸ் கதை எழுதி இயக்கி இருக்கிறார்,

இப்படத்தின் கதையைப் பொறுத்தவரையில்,

நடிகர் மணிகண்டனும் ஸ்ரீ கௌரி பிரியாவும் கல்லூரியில் படிக்கும் காலத்திலிருந்து காதலிக்கிறார்கள். பிறகு ஸ்ரீ கௌரி பிரியா ஒரு ஐடி நிறுவனத்தில் பணிபுரியும் நிலையில் இருவரும் அடிக்கடி சந்தித்து காதல் மொழிகளில் பேசி மகிழ்ச்சியுடன் இருக்கிறார்கள். இப்படி  மகிழ்ச்சியில் சென்று கொண்டிருக்கும் காதலுக்கு இடையில் அடிக்கடி இருவருக்கும் சில சண்டைகள் ஏற்படுகிறது. ஆனாலும் அதன் பிறகு இருவரும் சமாதானமாகி ஒருவரை ஒருவர் மனதார காதலிக்கின்றனர். இந்நிலையில் ஸ்ரீ கௌரி பிரியா தன் காதலன் மணிகண்டனிடம் ஏதாவது ஒரு வேலைக்கு செல்லுமாறு வற்புறுத்துகிறார். அவர் சொல்லுக்கு பணிந்து மணிகண்டன் ஒரு கம்ப்யூட்டர் டிசைனராக வேலைக்கு செல்கிறார். இந்த சூழ்நிலையில் ஒரு நாள் தனது காதலியை  அழைத்துக் கொண்டு தனது வீட்டிற்கு வருகிறார் மணிகண்டன். அங்கு தனது தந்தை நன்கு குடித்துவிட்டு மணிகண்டனின் அம்மாவை வாய்க்கு வந்தபடி அசிங்கமாக  திட்டுவதை பார்த்து அதிர்ச்சி அடைகிறார் கௌரி பிரியா.

ஏற்கனவே மணிகண்டன் மீது சில காரணங்களால் வெறுப்புடன் இருக்கும் ஸ்ரீகௌரி பிரியாவுக்கு அவரது வீட்டில் நடந்த சம்பவத்தை கண்டு அதிர்ச்சி அடைகிறார். இதனால் ஸ்ரீ கௌரி பிரியாவுக்கும் மணிகண்டனுக்கும் அடிக்கடி தேவையில்லாமல் சந்தேக பார்வையால் சண்டை ஏற்படுகிறது.  இதனால் மனவேதனை அடைந்த ஸ்ரீ கௌரி பிரியா மணிகண்டனை விட்டு பிரிய நினைக்கிறார்.  ஆனால் மணிகண்டனுக்கு கௌரி ஸ்ரீ கௌரி பிரியாவை விட்டு விலக முடியவில்லை. ஒரு கட்டத்தில் மணிகண்டன் அடிக்கடி மது குடித்து விட்டு வந்து ஸ்ரீ கௌரி பிரியாவிடம் சண்டை போடுகிறார் இதனால் வெறுப்படைந்த அவர் தன் காதலுக்கு ‘பிரேக் அப்’ சொல்லுகிறார். தன் காதலி தன்னை வெறுக்கிறாளே என்று பதறிய மணிகண்டன்,  ஸ்ரீ கௌரி பிரியாவிடம் மன்னிப்பு கேட்டு தன் காதலை ஏற்கும் படி கெஞ்சுகிறார். ஆனால் ஸ்ரீ கௌரி பிரியா தன்னை விட்டு பிரிந்து செல்லும்படி மணிகண்டனை கடுமையாக சொற்களால் திட்டுகிறார்.  இனி உனக்கும் எனக்கும் எந்தவித சம்பந்தமும் இல்லை என்று மணிகண்டனை விட்டு பிரிந்து செல்கிறார் ஸ்ரீ கௌரி பிரியா. இறுதியில் அவர்களது ஆறு வருட காதல் என்னானது?  இருவரும் இணைந்து திருமணம் செய்து கொண்டார்களா? என்பது தான் “ லவ்வர்” படத்தின் மீதி கதை.

’குட் நைட்’ படத்தின் மூலம் கதாநாயகனாக அறிமுகமாகி தனது நடிப்பு மூலம் அனைவரின் மனதையும் கவர்ந்த மணிகண்டன, இப்படத்தில் முற்றிலும் மாறுபட்ட நடிப்பின் மூலம் கவனம் செலுத்தி, நடிப்பில் மிரட்டவும் செய்திருக்கிறார். தனது வித்தியாசமான உணர்ச்சிமயமான நடிப்பில் காதல் ,கோபம் , விரக்தி, வேதனை, தவிப்பு, குற்ற உணர்வு, இயலாமை என அத்தனை உணர்வுகளையும் தன் கதாபாத்திரத்துடன் இணைந்து சிறப்பான நடிப்பை அவர் வெளிப்படுத்தியுள்ளார்.

கதாநாயகியாக நடித்திருக்கும் ஸ்ரீ கெளரி ப்ரியா அனைவரின் உள்ளத்தையும் கொள்ளை கொள்ளும் அளவிற்கு நடிப்பில் கலக்கி இருக்கிறார். மணிகண்டனுக்கு ஈடுகொடுக்கும் வகையில் மிக இயல்பாக தன் கதாபாத்திரத்தின் தன்மையை உணர்ந்து நடித்திருக்கும் ஸ்ரீ கௌரி பிரியா அற்புதமான நடிப்பை வெளிப்படுத்தி கண்களால் பேசி அனைவரையும் கவர்ந்துள்ளார். இப்படத்திற்க்கு பிறகு எதிர்காலத்தில் இவருக்கு தமிழ் சினிமாவில் நடிப்பதற்கு அதிக வாய்ப்புக்கள் காத்திருக்கிறது.

கண்ணா ரவி ஜென்ட்டிலான ஒரு கதாபாத்திரத்தில் பதற்றமில்லாத மிக சிறப்பான நடிப்பை வெளிப்படுத்தியிருக்கிறார்.

ஹரிஷ் குமார், சரவணன், கீதா கைலாசம் என மற்ற கதாபாத்திரங்களில் நடித்திருப்பவர்கள் திரைக்கதையின் ஓட்டத்திற்கு ஏற்றவாறு தங்களுக்கு கொடுத்த பணியை சிறப்பாக செய்து இருக்கிறார்கள்.

ஷ்ரேயஸ் கிருஷ்ணாவின் ஒளிப்பதிவும், ஷான் ரோல்டன் இசையும்  ஒவ்வொரு காதலர்களின் உணர்வுகளை வெளிப்படுத்தும் விதத்தில் ரசிகர்கள் ரசிக்கும் வகையில் சிறப்பாக பயணித்திருக்கிறது.

இதுவரையில் இல்லாத ஒரு புதிய கோணத்தில் இந்த உன்னதமான  காதல் கதையை ரசிக்கும்படி சொல்லியிருந்தாலும், அதனை சுற்றி கையாண்ட காட்சிகள் காதல் உணர்வோடு, போதை உணர்வையும் சேர்த்துக் கொடுக்கிறது. படத்தின் பெரும்பாலான காட்சிகளில் மது குடிப்பது மற்றும் சிகரெட் புகைக்கும் காட்சிகள் அளவுக்கு அதிகமாக வருவதால் சலிப்பு ஏற்படுகிறது. அந்த காட்சிகளை குறைத்திருக்கலாம். காதலைப் பற்றி புரிதல் இல்லாமல், நடமாடிக் கொண்டிருக்கும் பல காதலர்களுக்கு அந்த காதல் உறவை சிக்கலோடு மன வேதனையோடு கடந்து செல்லும் இளைஞர்களுக்கு காதல் என்றால் என்ன? என்பதை புரிய வைத்திருக்கும் இயக்குநர் பிரபுராம் வியாஸுக்கு பெரிய பாராட்டு கொடுக்கலாம்.

மொத்தத்தில், இந்த ‘லவ்வர்’ படம் காதலர்களுக்கு பாடம் சொல்லி புரிய வைக்கும் படம்.

ரேட்டிங் 3/5.

RADHAPANDIAN.