சென்னை:

சோனியா அகர்வால், ஸ்ம்ருதி வெங்கட், ரோஷன் பஷீக் ர், சித்தார்த் விபின், சினேகா குப்தா, சுப்ரமணியம் சிவா, கல்கிராஜா, மற்றும் பலர் நடித்திருக்கும் படம்தான் ‘7ஜி’ இப்படத்தை ஹாரூன் எழுதி இயக்கி இருக்கிறார்.

இப்படத்தின் கதையைப் பொருத்தவரையில்,

சொந்தமாக ஒரு வீடு வாங்க வேண்டும் என்ற கனவில் வாழ்ந்து வரும் கதாநாயகி ஸ்மிருதி வெங்கட், தனது கணவர் கதாநாயகன் ரோஷன் பஷீருடன் இணைந்து ஒரு அடுக்குமாடி குடியிருப்பில் தனது கனவு வீடு ஒன்றை வாங்குகிறார்கள், ரோஷன் பஷீர் – ஸ்முருதி வெங்கட் தம்பதி தனது மகனுடன் அடுக்குடிமாடி குடியிருப்பில் புதிதாக வாங்கிய வீட்டில் குடியேறுகிறார்கள். அந்த வீட்டின் கதவு எண் தான் 7/G. தனது நீண்டநாள் சொந்த வீடு கனவு நினைவானதால் ஸ்முருதி வெங்கட் மகிழ்ச்சியாக இருக்கிறார். இந்த சூழ்நிலையில் கதாநாயகன் ரோஷன் பஷீரின் அலுவலக தோழி சினேகா குப்தா எப்படியாவது ரோஷன் பஷீரை தன் வசம் அடைவதற்காக மாயமந்திர முயற்சிகளில் ஈடுபடுவதோடு, அந்த புதிய வீட்டில் சூனியம் செய்யப்பட்ட பொம்மையை யாருக்கும் தெரியாமல் மறைத்து வைக்கிறார்.

இதற்கிடையே, ரோஷன் பஷீர் தனது அலுவலக வேலை விஷயமாக பெங்களூர் சென்றுவிட , தனியாக இருக்கும் ஸ்முருதி வெங்கட் அமானுஷ்ய சக்தியினால் அந்த புதிய வீட்டில் பல்வேறு பிரச்சனைகளை சந்திக்கிறார். அந்த வீட்டில் அடைப்பட்டு இருக்கும் ஆத்மா ஒன்று திடீரென்று வெளியாகி,  ஸ்முருதி வெங்கட்டை மிரட்டுவதோடு, “இது எனது வீடு, இங்கு யாரையும் இருங்க அனுமதிக்க மாட்டேன்” என்று கூறி கதாநாயகி ஸ்முருதி வெங்கட்டை வீட்டை விட்டு விரட்டுவதற்கு அந்த ஆத்மா முயற்சி செய்கிறது. அந்த ஆத்மா யார் என்பதை தெரிந்துக் கொள்ள பக்கத்து வீட்டில் இருக்கும் சுப்ரமணியசிவாவிடம்  ஸ்முருதி வெங்கட் கேட்கும்போது, ‘இந்த வீட்டில் ஏற்கெனவே தன் மகனுடன் குடியிருந்தவர் சோனியா அகர்வால் என்றும் அவரை சொத்துக்காக அவளது அண்ணன் சித்தார்த் விபின் கொன்று விட்டதாகவும் சொல்கிறார். இதனைக் கேட்டு அதிர்ந்து போன  ஸ்முருதி வெங்கட் அந்த அமானுஷ்ய சக்தியிடம் இருந்து  தன் வீட்டையும், மகனையும் காப்பாற்றினரா?  அந்த வீட்டில் சூனியம் செய்யப்பட்ட பொம்மை என்ன ஆனது? என்பதுதான் ‘7ஜி’ படத்தின் மீதிக்கதை.

இந்த படத்தின் முக்கியமான திருப்புமுனையாக பயணித்திருக்கும் சோனியா அகர்வால், தனது கதாபாத்திரத்தின் தன்மையை உணர்ந்து  மிக சிறப்பாக நடித்திருக்கிறார்.

இப்படத்தில் கதாநாயகனாக நடித்திருக்கும் ரோஷன் பஷீர், மனைவி ஸ்முருதி வெங்கட்டுடன்
ஒரு பாடல் காட்சி, அலுவலக நண்பர்களுடன் ஒரு பாடல் காட்சி என பாட்டுக்கு மட்டும் நடனமாடி இருக்கிறார். தனது நடிப்பை வெளிப்படுத்துகின்ற அளவிற்கு அதிக காட்சிகள் எதுவும் இல்லை. ஆகவே கதாநாயகனாக வந்து பொகிறார் என்றுதான் சொல்ல வேண்டும்.

இப்படத்தில் மற்றொரு கதாநாயகியாக நடித்திருக்கும் ஸ்முருதி வெங்கட், காதல்,பயம், தைரியம் என அனைத்து உணர்வுகளையும் வெளிப்படுத்தி நடிப்பில் தன் திறமையை வெளிப்படுத்தி அந்த  கதாபாத்திரத்தின் தன்மையை உணர்ந்து, அதை சரியாக கையாண்டு அனைவரின் கவனத்தையும் ஈர்க்கிறார்.

ரோஷன் பஷீரின் அலுவலக தோழியாக நடித்திருக்கும் சினேகா குப்தா,  கவர்ச்சி காட்டி அருமையாக நடித்திருக்கிறார். இசையமைப்பாளர் சித்தார்த் விபின் அவருக்கு கொடுக்கப்பட்ட கதாபாத்திரத்தை உணர்ந்து மிக சிறப்பாக நடித்துள்ளார். காமெடி கலந்த வில்லனாக அவர் நடித்த விதம் ரசிக்க வைக்கிறது.

இயக்குனர் சுப்பிரமணிய சிவா, கல்கி ராஜா என மற்ற கதாபாத்திரங்களில்  க்டித்திருப்பவர்களுக்கு  நடிப்பதற்கு உண்டான எந்த வேலையும் வாங்கப்படவில்லை.

இசையமைப்பாளர் சித்தார்த் விபின் இசையில் பாடல்களும், பின்னணி இசையும் சுமார் ரகம்தான்.

ஒளிப்பதிவாளர் கண்ணா, அப்பார்ட்மெண்டில் இருக்கும் 7G எண் கொண்ட வீட்டை மட்டுமே காட்டி தனது  ஒளிப்பதிவின் மூலம்  ரசிகர்களுக்கு பயம் வராமல் காட்டி இருக்கிறார்.

இப்படத்தின் கதை எழுதி இயக்கியிருப்பதோடு, தயாரிக்கவும் செய்திருக்கும் ஹாரூன், திகில் நிறைந்த பேய் கதையை புதுமையான முறையில் எடுக்கா விட்டாலும், வழக்கமான பாணியில் சொல்லியிருக்கிறார். அனைத்து தரப்பினரும் ரசிக்க கூடிய நல்ல பொழுதுபோக்கு அம்சங்கள் நிறைந்த திகில் படமாக ஹாரூன் இயக்கி இருந்தாலும் சில காட்சிகளை அமைப்பதில் கோட்டை விட்டு விட்டார்.

மொத்தத்தில், இந்த ’7ஜி’ படம் பழைய பேய் கதை என்றாலும் ரசிக்கலாம்.

ரேட்டிங் 2.5/5.

RADHAPANDIAN.