‘ஜின் தி பெட்’ – திரைப்பட விமர்சனம்!

சென்னை:

முகேன் ராவ், பவ்யா திரிகா, வடிவுக்கரசி, பாலசரவணன், ராதாரவி, நிழல்கள் ரவி, வினோதினி வைத்தியநாதன், இமான் அண்ணாச்சி, ரித்விக் மற்றும் பலர் நடித்திருக்கும் படம்தான் “ஜின் தி பெட்”. இப்படத்தை  டி.ஆர்.பாலா எழுதி இயக்கி இருக்கிறார்.

இப்படத்தின் கதையைப் பொருத்தவரையில்,

மலேசியாவில் உள்ள ஒரு ஹோட்டலில் கதாநாயகன் முகேன் ராவ் ஒரு பாடகராக வலம் வந்து கொண்டிருக்கிறார். இந்த சூழ்நிலையில் அவரது மலேசியா விசா முடிந்ததும் சென்னைக்கு செல்ல ஆயத்தமாகிறார். தன் குடும்பத்தில் உள்ளவர்களுக்கு மலேசியாவிலிருந்து ஏதாவது ஒரு பொருளை வாங்க வேண்டும் என்று எண்ணி, பழங்கால பொருட்கள் விற்கும் கடைக்கு செல்கிறார் முகேன் ராவ். அந்தப் பழங்கால பொருட்கள் விற்கும் ஷாப்பிங் சென்டரில் ஒரு உன்னதமான பெட்டியை பார்க்கிறார். அந்தக் கடையில் பணியாற்றுபவரிடம் அந்தப் பெட்டி அழகா இருக்கிறது அதை எவ்வளவு விலை என்று கேட்கிறார். அதற்கு அவர் இந்த பெட்டியில் ஒரு ஜின் ஒன்றை அடைத்து வைத்திருப்பதாக அது வெளியில வந்தால் உங்கள் குடும்பத்திற்கு நல்லது நடக்கும் நல்லதே செய்யும். இது மனிதர்களைப் போல இருந்தாலும் உடல் வாழ்வில் வேறுபட்ட உலகில் இருந்து வந்தவை என்று கூறுகிறார்.

அந்த ஜின்னை விலைக்கு வாங்கி மலேசியாவில் இருந்து சென்னைக்கு கொண்டு வருகிறார் முகேன் ராவ். சென்னை விமான நிலையத்திலிருந்து வரும்போது பவ்யா திரிக்காவை சந்திக்கிறார். அதன் பிறகு பவ்யா திரிகாவை ஒரு மருத்துவமனையில் நர்சாக பணி வருவதை கண்டு அவர் மீது காதல் கொள்கிறார்.  அந்த காதல் திருமணத்தில் முடிகிறது. இவர்களது திருமணம் முடிந்ததும் பல விதத்தில் சில கெட்ட சம்பவங்கள் நடக்கின்றன.  இதனால் அவரது வீட்டில் உள்ளவர்கள் அந்த ஜின் வீட்டில் இருப்பதால்தான் இந்த மாதிரியான கெட்ட சகுனங்கள் நடக்கிறது என்று கூறி அதை வெளியில் வீசும் படி சொல்கின்றனர். இவற்றின் உச்சமாக, முகேன் ராவின் காதல் மனைவி பவ்யா திரிகா கடுமையாகத்  தாக்கப்பட்டு, மூர்ச்சையாகி, ரத்த வெள்ளத்தில் கிடக்கிறார்.

பவ்யா திரிகாவின் இந்த நிலைக்குக் காரணம், இந்த ஜின் தான் என்று வீட்டில் இருப்பவர்கள் அனைவரும் கூற, கோபத்தில் முகேன் ராவ் இந்த ஜின்’னை தூக்கி வெளியே வீசி விடுகிறார். நல்ல வெயில் காயும் சாலையில் வீசி எறிந்துவிட்டு செல்லும்போது… பெட்டிக்குள்ளிருந்து வெளியே வரும் ஜின், ஆஜானுபாகுவான முழு உருவம் பெற்றுவிடுகிறது. ஆனால், அந்த ஜின் முகேனை விடாமல் துரத்துவதோடு, மனைவி மீதான தாக்குதலைப்பற்றியும், மற்றும் ஜின் தன் ரகசியத்தைபற்றியும்  விவரமாக முகேன் ராவிடம் சொல்கிறது. அதன் பிறகு அந்த’ ஜின்’ னை தன்னுடன் சேர்த்துக் கொண்டு தன் மனைவி பவ்யா திரிகாவை கொல்ல முயன்றவர்களை பழி வாங்கினாரா? இல்லையா? என்பதுதான் “ஜின் தி பெட்” படத்தின் மீதிக் கதை.

இந்த திரைப்படத்தில் கதாநாயகனாக முகேன் ராவ் நடித்திருக்கிறார்.  காதல் காட்சிகளில் இயல்பாகவும், சண்டைக்காட்சிகளில் ஆக்ரோஷமாகவும்  தனது சிறப்பான நடிப்பை வெளிப்படுத்தி தேர்ச்சி பெற்று இருக்கிறார்.

கதாநாயகனின் காதல் மனைவி பிரியாவாக பவ்யா திரியா நடித்திருக்கிறார். அழகும் அமைதியும் கலந்த கலவையான முகம். நடிப்பிலும் குறை சொல்ல முடியாத அளவுக்கு ரசிகர்கள் ரசிக்கும் விதத்தில் நிறைவாக நடித்திருக்கிறார்.

கதாநாயகனின் நண்பன் பரஞ்சோதியாக வரும் பாலசரவணன் ஆங்காங்கே நகைச்சுவை செய்தாலும் சிரிக்க முடியவில்லை.

நாயகனின் அப்பாவாக வரும் இமான் அண்ணாச்சி, அக்கா கீதாவாக வரும் வினோதினி வைத்தியநாதன், பாட்டி அபிதகுஜலாம்பாளாக வரும் வடிவுக்கரசி, மற்றும் மனோகராக வரும் ராதாரவி, ராதாகிருஷ்ணனாக வரும் நிழல்கள் ரவி, சிம்புவாக வரும் ரித்விக் ஆகியோர் தங்களுக்கு கொடுத்த பணியை நிறைவாக செய்து ரசிக்க வைத்து இருக்கிறனர்.

ஒளிப்பதிவாளர் :- அர்ஜுன் ராஜா தனது கலர்ஃபுல் ஒளிப்பதிவு மூலம் திரைப்படத்திற்கு சிறப்பு சேர்த்திருக்கிறார்.

இசையமைப்பாளர்கள் விவேக் மெர்வின் இசையில் பாடல்களும், பின்னணி இசையும் சுமார் ரகம்தான். பின்னணி இசை அதிக சத்தத்தால் காதுக்கு இனிமையாக இல்லை.

ஜின்கL எப்படி தோன்றியது… மற்றும் பல நூறு ஆண்டுகளுக்கு முன்பு பெட்டியில் அடைக்கப்பட்ட ஜின், முகேன் வசம் வருவதற்கான பின்னணி கதைகளை ஓவிய காட்சிகளாக சொல்லப்பட்டாலும், சுவாரஸ்யமாக ரசிக்கின்ற மாதிரி சொல்லியிருக்கிறார்கள். ஏற்கனவே ஜாவர் சீதாராமனின் “பட்டணத்தில் பூதம்” படத்தில் வரும் ஜிபூம்பா மாதிரி ஜின் என்ற ஒரு மர்ம மனிதனை உருவாக்கி படத்தை எழுதி இருக்கும் டி.ஆர்.பாலா, சிறுவர்களை கவரும் முயற்சியாக  இப்படத்தை இயக்கி இருக்கிறார். குழந்தைகள் முதல் குடும்பத்தோடு அனைவரும் ரசிக்கும் படமாக படத்தை தயாரித்து இயக்கி இருப்பதை பாராட்டலாம்.

மொத்தத்தில், ‘ஜின்’  சிறுவர்கள் ரசிக்கும் படம்.

ரேட்டிங் 2.5/5.

RADHAPANDIAN.