’மேட் இன் கொரியா’ திரைப்பட விமர்சனம்!

சென்னை:

பிரியங்கா மோகன், ரிஷிகாந்த், பார்க் ஹை ஜின், நோ ஹோ ஜின், ஜாங் ஜெயோன் மற்றும் பல கொரியா நட்சத்திரங்கள் நடித்திருக்கும் படம்தான் “மேட் இன் கொரியா” இப்படத்தை ரா. கார்த்திக் இயக்கியுள்ளார்.ஹேஷம் அப்துல் வஹாப் இசையமைத்துள்ளார்.ரைஸ் ஈஸ்ட் என்டர்டைன்மென்ட் சார்பில் ஸ்ரீநிதி சாகர் தயாரித்துள்ளார்.

இப்படத்தின் கதையைப் பொருத்தவரையில்,

தமிழ்நாட்டில் ஊட்டியில் உள்ள ஒரு  மலைகிராமம்தான் பிரியங்கா மோகனின் கிராமம். அங்கு அவர் பள்ளியில் படிக்கும் சிறுவயதிலேயே இசையின் மீது ஆர்வம் கொண்டவராக இருக்கிறார். அவரது தந்தை ஒரு சிறிய சாப்பாட்டு ஓட்டல் ஒன்றை  நடத்தி வருகிறார். அந்த கிராமத்தில் இருந்து கொண்டு கொரியா செல்ல வேண்டும் என்று சிறு வயதில் இருந்தே தனது ஆசையை வளர்த்துக் கொண்டு இருக்கிறார் பிரியங்கா மோகன். இந்த சூழலில் அதே கிராமத்தைச் சேர்ந்த ரிஷிகாந்தை காதலிக்கிறார் பிரியங்கா. ஆனால் அந்த காதலை ஏற்க மறுத்த, அவரது தந்தையோ தான் நடத்தும் சாப்பாட்டு ஓட்டலை மகள் பார்த்துக் கொண்டு வாழ்ந்தால் போதும் என்று நினைக்கிறார். அதனால் வேதனையடைந்த பிரியங்கா, தன்  காதலனுடன் சேர்ந்து அந்த மலை கிராமத்தை விட்டு வெளியேறுகிறார்.

சென்னைக்கு தன் காதலன் ரிஷிகாந்துடன் சேர்ந்து  வந்துவிடும் பிரியங்கா, சென்னையிருந்து இருவரும் கொரியா செல்ல திட்டமிடுகின்றனர். இருவரும் சேர்ந்து கொரியா செல்லலாம் என்ற நம்பிக்கையுடன் பயணத்தை தொடங்கும் பிரியங்கா, அங்கே சென்றதும் ஒரு பெரிய ஏமாற்றத்தை எதிர்கொள்கிறார். அவரது காதலன் அவரது பணத்தை எடுத்துக்கொண்டு ஓடி விடுகிறார். பெற்றோரின் பேச்சை கேட்காமல் வீட்டை விட்டு வெளியேறி காதலரால் ஏமாற்றப்பட்டு, திரும்பவும் வீட்டுக்கு செல்ல முடியாமல் தவிக்கும்பிரியங்காவுக்கு மொழி தெரியாத கொரியா நாட்டில் தனியாக சிக்கிக் கொள்ளும் நிலை உருவாகிறது.  அந்த சூழ்நிலையில் அவர் சந்திக்கும் மனிதர்கள் அதனால் ஏற்படும் அனுபவங்கள் என்ன என்பதை மிகவும் சுவாரஸ்யமாக சொல்லும் படம்தான் “மேட் இன் கொரியா”

கதையின் நாயகியாக நடித்திருக்கும் பிரியங்கா மோகன், தனது அளவான நடிப்பு மூலம் அந்த உணர்வுகளை படம் முழுவதையும் தனி ஆளாக  தன் தோள் மீது சுமந்திருக்கிறார். அவர் தன் நடிப்பாற்றல் மூலம் அனைவரும் ரசிக்கும் விதத்தில் மிக சிறந்த முறையில் வெளிப்படுத்தி வரவேற்புப் பெறுகிறார். கொரியாவில் அன்பு பாசம் நேசம் அவமானம் என அனைத்தையும் சந்திக்கும் ஒரு சூழ்நிலையில் கதாபாத்திரத்திற்குத் தேவையான முகபாவத்தை மிகச்சிறப்பாக வெளிப்படுத்தியுள்ளார்.

பிரியங்காவின் காதலராக நடித்திருக்கும் ரிஷிகாந்த், இதுவரை சிறு வேடங்களில் நடித்து வந்த அவர் தன் வேலையை சரியாக செய்து கதாபாத்திரத்திற்கு ஏற்றவாறு தனது நடிப்பால் ரசிகர்களை கவர்கிறார்.

கொரிய நடிகர்கள் பார்க் ஹை ஜின், நோ ஹோ ஜின், ஜாங் ஜெயோன் தங்களது இயல்பான நடிப்பில் உணர்வுகளை சிறப்பாக வெளிப்படுத்தி கதையுடன் நம்மைப் பயணிக்க வைத்திருக்கிறார்கள்.

ஒளிப்பதிவாளர் பிரசன்ன குமார், ஊட்டி மற்றும் கொரியாவின் இயற்கை அழகுகளை அழகாகப் பதிவு செய்து கண்களுக்கு குலிர்ச்சியை கொடுத்திருக்கிறார்.

ஷேகாம் அப்துல் வகாப் இசையமைத்திருக்கிறார்.கதாநாயகியின் பல்வேறு மன உணர்வுகளை இசையால் மொழி பெயர்த்து திரைக்கதைக்கு மிகுந்த பலம் சேர்த்திருக்கிறார்.

‘நித்தம் ஒரு வானம்’ படத்தை இயக்கி அளித்த ரா கார்த்திக், ஓர் அழகான பயணத்தைக் கதைக்களமாகக் கொண்டு,கொரியாவைப் பற்றிய பல புதிய விஷயங்களையும்,  மொழி தெரியாத வெளி நாட்டில் தனியாக வாழ வேண்டிய நிலைக்கு தள்ளப்படும் ஒரு பெண்ணின் அனுபவங்களையும் உணர்ச்சிகளையும் நகைச்சுவை கலந்த முறையில் சொல்லி ரசிகார்களை ரசிக்க  வைத்து இருக்கிறார் இயக்குநர்.

நெட் பிளிக்ஸ் தளத்தில் வெளிவந்திருக்கும் இந்த திரைப்படத்தை அனைத்து ரசிகர்களும் ரசிக்கலாம்.

ரேட்டிங் 3/5.

RADHAPANDIAN.