‘டி.சி’ ‘DC ‘ திரைப்பட விமர்சனம்!

சென்னை:

லோகேஷ் கனகராஜ், வாமிகா கபி , சஞ்சனா ஏ.கே.  கஸ்தூரி ராஜா , தலைவாசல் விஜய், கிரிஷ் தயால்,அவினாஷ் ரகுதேவன் , ஜவஹர் சக்தி , ஷரத் ரவி,  பிரணவ் தியோஃபைன் , ஏ. ராஜரிஷி , சிங்காரம் தேவி பிரசாத், அட்டுல் மற்றும் பலர் நடித்துள்ள திரைப்படம்தான் “டி.சி” (‘DC’ ). இப்படத்திற்கு கதை, திரைக்கதை எழுதி இயக்கி இருக்கிறார் அருண் மாதேஸ்வரன்.

இப்படத்தின் கதையைப் பொருத்தவரையில்,

பல படங்களை இயக்கி வெற்றி பெற்ற லோகேஷ் கனகராஜ் ‘டி சி’ என்ற படத்தில் மூலம் கதாநாயகனாக அறிமுகமாகிறார்.

இந்த படத்தில் லோகேஷ் கனகராஜ்  சிறைவாசம் அனுபவித்து விட்டு வெளியே வருகிறார். அப்போது காவல்துறையின் ஆய்வாளர் மற்றும் காவலர்கள் இணைந்து துப்பாக்கி போன்ற ஆயுதங்களை ஒரு வேனில் எடுத்துச் செல்லும்போது லோகேஷ் கனகராஜ் மற்றும்  தனது நண்பர்களுடன் இணைந்து அந்த ஆயுதங்கள் நிறைந்த வேனை மறித்து,  காவல்துறையினர் அனைவரையும் அடித்து துவைத்து எல்லா ஆயுதங்களையும் கைப்பற்றுகிறார். இந்த சூழலில் 7 லட்சம் ரூபாய்க்கு ஆசைப்பட்டு ஒரு சாதாரண மனிதன் தன் மகனை படிக்க வைப்பதற்காக அந்த பணத்தை கொண்டு செல்லும்போது அவனை ஒரு காவல்துறை அதிகாரி கல்விக்காக வைத்திருந்த அந்த ரூபாயை பறித்துக் கொண்டு அந்த நபரையும் கொன்று விடுகிறார்.  காவல்துறை அதிகாரி தன் கணவனை கொன்ற விஷயம் தெரியாமல்  அவனது மனைவி காவல்துறையில் புகார் செய்தாலும் அது எடுபடாமல் போகிறது.

இந்த விஷயம் சிறையில் இருந்து வெளிவந்த லோகேஷ் கனகராஜுக்கு  தெரிய வருகிறது. உடனே அந்த பெண்ணுக்காக 7 லட்சம் ரூபாய் பணத்தை பறித்த காவல்துறை அதிகாரியை கொலை செய்கிறார். இந்த கொலை தொடர்பாக காவல்துறை லோகேஷ் கனகராஜ் மற்றும் அவரது நண்பர்களையும் கைது செய்ய முற்படும்போது அவர்களை துப்பாக்கியால் சுட்டுக் கொள்கிறார். இதனால் காவல்துறை அதிகாரி லோகேஷ் கனகராஜ் மற்றும் அவரது நண்பர்களை கைது செய்ய முயலும் போது அங்கிருந்து அனைவரும் தப்பித்து விடுகிறார்கள். லோகேஷ் கனகராஜ் தப்பித்து சென்று தனது நண்பர்களுடன் ஒரு விடுதியில் தங்குகிறார். அப்போது அந்த விடுதியில் சஞ்சனா ஏ.கே. என்ற பாடகியை சந்திக்கும் லோகேஷ் கனகராஜ்,  அந்தப் பெண் மீது காதல் ஏற்படுகிறது. இந்த சூழலில் அங்கும் காவல்துறையினர் உள்ளே நுழைந்து லோகேஷ் கனகராஜ் கூட்டாளிகளை கைது செய்ய முற்படும்போது அந்தப் பாடகி சஞ்சனா துப்பாக்கி குண்டு பாய்ந்து இறந்து விடுகிறார்.

இதனால் அங்கு இருந்து தப்பித்த லோகேஷ் கனகராஜ் வேறொரு இடத்தில் புகுந்து அங்கே தங்கியிருக்கும் போது பாலியல் தொழிலாளி வாமிகா கபியை சந்திக்கிறார். பாலியல் தொழில் செய்யும் வாமிகா கவியின்  நிலையைக் கண்டு அவரை அங்கிருந்து காப்பாற்றி தன்னுடன் அழைத்து செல்கிறார் லோகேஷ். இந்த சூழலில் வாமிகா கபி பாலியல் தொழிலாளியாக பல துன்பங்களை அனுபவித்து வந்த சூழலில் லோகேஷ்  கனகராஜுடன் பயணிக்கும் போது அவர் வாழ்க்கையை கெடுத்து சீரழித்த மருத்துவரை துப்பாக்கியால் சுட்டுக் கொல்கிறார்.  இறுதியில் காவல்துறை இவர்கள் இருவரையும் கைது செய்ய முயற்சி செய்யும்போது பெரிய அளவில் மோதல் ஏற்படுகிறது. இந்த மோதலில் காவல்துறையினர் லோகேஷ் கனகராஜையும், வாமிகா கபியையும் கைது செய்தார்களா? இல்லையா? என்பது தான் ‘டிசி’ படத்தின் மீதி கதை.

கதாநாயகனாக அறிமுகமாகியிருக்கும் இயக்குநர் லோகேஷ் கனகராஜ், தேவதாஸ் என்ற கதாபாத்திரத்தில் அதிரடியாக ஆக்ஷன் ஹீரோவாக அறிமுகமாகியிருக்கிறார். ஆக்ஷன், உணர்வு, கோபம், காதல் என ஒவ்வொரு பரிமாணத்திலும் தன்னம்பிக்கையுடன் திரையை நிரப்புகிறார். ஒரு அனுபவம் வாய்ந்த நடிகரைப் போல தனது கதாபாத்திரத்தை முழுமையாக சுமந்து அசத்திருக்கிறார்.

பாலியல் தொழிலாளியாக  வாமிகா கபி, தனது அழகாலும், திரையில் தோன்றும் ஒவ்வொரு தருணத்திலும் ஈர்க்கும் நடிப்பாலும் ரசிகர்களின் கவனத்தை ஈர்க்கிறார்.  சமூகத்தால் வஞ்சிக்கப்பட்டு, வாழ்நாள் முழுவதும் சிறை வைக்கப்பட்ட ஒரு பெண்ணின் ஆத்திரத்தையும், பின்னர் தன் உரிமையை மீட்கத் துணியும் வேகத்தையும் தனது கண்களிலேயே கடத்தி அசர வைக்கிறார்.

தலைவாசல் விஜய், கஸ்தூரி ராஜா, கிரிஷ் ட்ய்ஹயால், அவினாஷ் ரகுதேவன், ஜவஹர் சக்தி, ஷரத் ரவி, பிரணவ் தியோஃபைன், ஏ.ராஜரிஷி, பாலாஜி தேவிபிரசாத், அட்டுல் போன்ற அனைத்து நடிகர்களும்ஏற்றுக் கொண்டுள்ள துணைப் பாத்திரங்களுக்கு வலு சேர்த்துள்ளார்கள்.

முகேஷ்ஜியின் ஒளிப்பதிவு ரசிகர்களை கவரும் விதத்தில் அதாவது ஆங்கிலப் படங்களுக்கு நிகராக வித்தியாசமான கோணங்கள் மூலம் மிக சிறப்பாக அமைந்திருக்கிறது.

அனிருத்தின் இசை இந்த படத்துக்குப் பெரும் பலமாக அமைந்து இருக்கிறது. ஒவ்வொரு காட்சிகள் மற்றும் கதாபாத்திரங்களுக்கும் இடையே  அவருடைய பின்னணி இசை அதிரடி அனுபவத்தை கொடுத்து அதிர வைக்கின்றன.

கதை எழுதி இயக்கியிருக்கிறார் அருண் மாதேஸ்வரன். தனது வழக்கமான ரத்தம் தெறிக்கும் ஆக்ஷன் பாணியைத் தக்க வைத்துக் கொண்டே, இந்த முறை உணர்வுகளுக்கும் காதலுக்கும் முக்கிய இடம் கொடுத்திருக்கிறார். போர்க்களத்தில் பூப்பூப்பது போல இத்தனை வன்முறை நடுவே தேவதாஸ் -சந்திரா காதல் காட்சிகளை மிக யதார்த்தமாக ரசிக்க வைத்து இருக்கிறார் .

மொத்தத்தில், ‘DC’ என்பது வெறும் ஆக்ஷன் திரைப்படம் அல்ல! ஹாலிவுட் தரத்தில் உருவாக்கிய படம்.

ரேட்டிங் 3/5.

RADHAPANDIAN.