‘டோண்ட் ட்ரபுள் தி ட்ரபுள்’ – திரைவிமர்சனம்.

சென்னை:

ஃபஹத் ஃபாசில் ,சாரா பாலேகர்,மகேஷ் மஞ்ச்ரேகர்,சௌரப் சச்தேவா ,வெங்கடேஷ் காகுமானு,சுப்பராஜு ,திவ்யா பிள்ளை, எஸ். ஷஷாங்க் மற்றும் பலர் நடித்துள்ள படம்தான் ‘டோண்ட் டிரபிள் தி டிரபிள்’. இந்த  படத்தை எழுதி இயக்கியிருக்கிறார் ஷஷாங்க் யேலேட்டி.

இப்படத்தின் கதையைப் பொருத்தவரையில்,

சூரி என்ற பெயர் கொண்ட ஃபஹத் ஃபாஸில் ஆம்புலன்ஸ் வேன் டிரைவராக பணியாற்றி வருகிறார். எந்த அவசரத்துக்கு ஆம்புலன்ஸ் என்றாலும் நேரத்துக்கு கொண்டு போய் விட்டு விடுகிற அளவிற்கு மிக சிறந்த முறையில் தனது பணியை செய்துக் கொண்டிருக்கிறார். அவர் தன் வாழ்க்கையில் பணம்தான் முக்கியம் என்ற குறிக்கோளுடன் இருப்பதால், எப்படியாவது பணம் சம்பாதித்துவிட வேண்டும் என்று  குறுக்கு வழிகளிலும் பயணிக்க தயங்காதவர் சூரி. அதற்காக சின்ன சின்ன தில்லுமுல்லுகள் செய்ததால் அப்படி ஒரு சிறிய மோசடியில் உள்ளூர் தாதாவான அஸ்லாம் பாயிடம் சிக்கிக் கொள்கிறார். மிகவும் கொடூரமான குணம் கொண்ட அவரோ இரண்டு நாளில் 25 லட்சம் கொடுக்க வேண்டும் என்று சூரிக்குக் கெடு விதித்து செல்கிறார். அப்படிப்பட்ட சூழலில். சூரியின் வாழ்க்கைக்குள் எதிர்பாராத விதமாக வருகிறாள் சிறுமி திவ்யா (சாரா பாலேகர்). மிகுந்த வசதியான குடும்பத்தைச் சேர்ந்த அவள், வீட்டை விட்டு வெளியேறி தனது பெற்றோரை தேடி அலைகிறாள். சூரியை மிகப்பெரிய மந்திரவாதி என தவறாக நினைக்கும் திவ்யா, தனது பிரச்சினையைத் தீர்க்க அவரிடம் தனது  பெற்றோரை தேடி கண்டுபிடித்து கொடுக்கும்படி சொல்கிறாள்.

வசதியான குடும்பத்தைச் சேர்ந்த திவ்யாவை கடத்தி அவளது பெற்றோரிடம் பணம் பறிக்கலாம் என்று நினைக்கும் சூரிக்கு அடுத்தடுத்து அதிர்ச்சிகள் காத்திருக்கின்றன. காரணம், திவ்யா சாதாரண சிறுமி கிடையாது. அவள் ஏற்கனவே இறந்துபோன ஒரு ஆன்மா. அதைவிட முக்கியமாக சூரியின் கண்களுக்கு மட்டுமே அவள் தெரிகிறாள்..ஆனால் திவ்யாவிடம் சூப்பர் நேச்சுரல் சக்தி இருப்பதால் .அதன் வலிமை அவளுக்கே தெரியாது . அந்த சக்தியால் ஒவ்வொரு முறையும் சூரியை ஆபத்தில்  இருந்தும் அபாயத்திலிருந்தும் காப்பாற்றுகிறாள் சிறுமி திவ்யா. அந்த சூப்பர் சக்தி மூலம்  திவ்யாவை பயன்படுத்தி, தனது பணத் தேவையை பூர்த்தி செய்துக் கொள்ள முடிவு செய்கிறார்சூரி. திவ்யா தனது பெற்றோரைப் பார்க்க வேண்டும் என்று பிடிவாதம் பிடிக்கிறாள். அப்போது அவளது பெற்றோரிடம் கண்டிப்பாக கொண்டு சேர்ப்பதாக உறுதி கொடுக்கிறார் சூரி. இப்படிப்பட்ட சூழ்நிலையில் திவ்யாவின் பெற்றோரை சூரி தேடும் போது , கார் விபத்தில் சிக்கிய நிலையில் அவளது பெற்றோரை ஒரு மலை அடியில் உள்ள பள்ளத்தாக்கில் கண்டுபிடிக்கிறார் சூரி. அதன் பிறகு நடந்தது என்ன? இறந்துபோன திவ்யாவின் ஆன்மா என்ன ஆனது? என்பதுதான் ‘டோண்ட் டிரபிள் தி டிரபிள்’. படத்தின் மீதிக் கதை.

ஃபஹத் ஃபாசில்  சூரி கதாபாத்திரத்தில் நடித்து இருக்கிறார். அவர் தனது கதாபாத்திரத்தின் தன்மையை புரிந்து கொண்டு, அதற்கேற்ற உடல்மொழி மற்றும் முகபாவனைகளால் காட்சிகளை எதார்த்தமான நடிப்பால் மிகச் சிறப்பாகத் தாங்கி தோளில் சுமந்து  உள்ளார். ஒரு உன்னதமான  உணர்வுப் பூர்வமான கதை மற்றும் காட்சிகளுக்கு ஃபஹத் பாசிலின் நடிப்பு இப்படத்திற்கு பெரும் பலம் சேர்த்திருக்கிறது.

மாய சக்தி கொண்ட பெண்ணாக திவ்யாவாக வரும் சாரா பாலேகர்,,படத்தில் ஒரு அழகு தேவதையை போலவே தோன்றுகிறார். இப்படத்திற்கு தேவையான குழந்தைத்தனமான குறும்பையும், அப்பாவித் தனத்தையும் இயல்பாகவே வெளிப்படுத்தியுள்ளார். ஒரு நாய்க்குட்டியுடன் வரும் நகைச்சுவைச் சம்பவங்கள், பெற்றோரைக காப்பாற்ற எடுக்கும் முயற்சி அனைவரையும் ரசிக்க வைக்கிறது.

அஸ்லாம் பாய் கதாபாத்திரத்தில் நடித்திருக்கும் மகேஷ் மஞ்ச்ரேகர், பிரதாப் கதாபாத்திரத்தில் நடித்திருக்கும் செளரப் சச்தேவா, மல்லேஷ் கதாபாத்திரத்தில் நடித்திருக்கும் வெங்கடேஷ் காகுமானு, சுப்பராஜு கதாபாத்திரத்தில் நடித்திருக்கும் கிருஷ்ணா, திவ்யாவின் அம்மாவாக பல்லவி கதாபாத்திரத்தில் நடித்திருக்கும் திவ்யா பிள்ளை, சஞ்சய் கதாபாத்திரத்தில் நடித்திருக்கும் எஸ்.எஸ்.ஷஷாங்க் ஆகியோர் தங்களது கதாபாத்திரத்தை உணர்ந்து நடித்திருக்கின்றனர்.

கால பைரவா இசையில் பாடல்கள் சுமார் ரகமாக  இருந்தாலும், பின்னணி இசை படத்திற்குத் தேவையான உணர்வுகளை கொடுக்கிறது.

பிராட் ஃபிரான்சிஸின் ஒளிப்பதிவு படத்தின் முக்கிய காட்சிகளுக்கு ஏற்ப  கிராபிக்ஸ் காட்சிகளை மிக சிறந்த முறையில் கையாண்டிப்பதை பாராட்ட வேண்டும்,.

இயக்குநர் ஷஷாங்க் யேலேட்டி, நாய் குட்டியை வைத்து குழந்தைகளை கவரக்கூடிய விசயங்களை பெரியவர்களையும் ரசிக்கும் விதத்தில், ஒரு சுயநலமான மனிதனுக்கும், தனது பெற்றோரை தேடும் ஒரு சிறுமியின் ஆன்மாவுக்கும் இடையே உருவாகும் எதிர்பாராத உறவை மிக துல்லியமாக  உருவாக்கிய விதம் இயக்குநரின் திறமை தெளிவாகத் தெரிகிறது.

மொத்தத்தில், ‘டோண்ட் டிரபிள் தி டிரபிள்’ படம் குடும்பத்துடன் பார்க்கக்கூடிய கதைக்களம் என்பதால் அனைவரும் ரசிக்கலாம்.

ரேட்டிங் 3/5

RADHAPANDIAN.