“ஜப்பான்” – திரைப்பட விமர்சனம்!

சென்னை:

கார்த்தி , அனு இமானுவேல், ஜித்தான் ரமேஷ், சந்திரசேகர், சுனில், கே.எஸ்.ரவிக்குமார், விஜய் மில்டன் மற்றும் பலர் நடிப்பில் ரவிவர்மன் ஒளிப்பதிவில் ஜி.வி. பிரகாஷ்குமார் இசையில் தீபாவளி கொண்டாட்டமாக திரைக்கு வந்திருக்கும் படம் “ஜப்பான்”.

இப்படத்தின் கதையைப் பொறுத்த்வரையில்,

பெரிய, பெரிய நகைக்கடைகளில் சுவற்றில் பெரிய அளவில் துளைப்  போட்டு கோடிக்கணக்கான நகைகளை  கொள்ளையடிப்பதில் வல்லவராக  கார்த்தி திகழ்கிறார். கொள்ளையடித்த பணத்தை வைத்து திரைப்படத்தில் ஹீரோவாக நடிப்பதோடு, ஆடம்பரமாகவும் அவர் வாழ்ந்து வருகிறார். இந்த சூழ்நிலையில்.கோவை நகரில் பிரபலமான ராயல் ஜுவல்லரி என்ற நகைக் கடையில் 200 கோடி மதிப்புள்ள நகை கொள்ளை போகிறது .இதனால் சந்தேகம் அடைந்த காவல் துறையினர் பிரபல கொள்ளையனான ஜப்பான் எங்கிற கார்த்தியை தீவிரமாக  தேடுகிறது.  இந்த நிலையில் காவல்துறையினரிடம் ஜப்பான் என்கிற கார்த்தி சிக்கியபோது, அந்த கொள்ளையை நான் செய்யவில்லை என் பெயரை பயன்படுத்தி வேறு யாரோ கொள்ளையடித்திருக்கிறார்கள் என்று சொல்கிறார்   அனால் அவர் சொல்வதை காவல்துறையினர்  நம்ப மறுக்கிறார்கள்.

இதனால் கோபத்தின் உச்சத்திற்கு சென்ற கார்த்தி, தானே அந்த கொள்ளையனை தேடும் வேலையில் இறங்குகிறார். இதற்கிடையில் காவல்துறையினர் அப்பாவி ஒருவனை பிடித்து அவன் மீது வீண் பழி போட்டு என் கவுன்ட்டர் செய்ய திட்டமிடுகிறார்கள். இதையறிந்து ஜப்பான் என்கிற கார்த்தி உண்மையான குற்றவாளி யார்… என்பதை கண்டுபிடிக்கும் முயற்சியில் இறங்குகிறார்.  இறுதியில் கோவையில் உள்ள ராயல் ஜுவல்லரியில் 200 கோடி ருபாய் மதிப்பிலான நகைகளை  கொள்ளையடித்த உண்மையான குற்றவாளிகள் யார் என்பதைகாவல்துறையினர் கார்த்தியுடன் இணைந்து கண்டுபிடித்தார்களா? இல்லையா? என்பதுதான் ‘ஜப்பான்’ படத்தின் மீதிக்கதை.

கதாநாயகனாக நடித்திருக்கும் கார்த்திக் ஒவ்வொரு படத்திற்கும் வித்தியாசம் காட்டி தன் கதாபாத்திரத்தை உணர்ந்து நடித்திருப்பார். ஆனால் இப்படத்தில் தனது உடையிலிருந்து, பேச்சு, உடல் மொழி என அனைத்திலும் வித்தியாசத்தை காட்டி நடித்திருந்தாலும் மக்கள் மத்தியில் எடுபடவில்லை. ஆக்‌ஷன் காட்சிகளில் அதிரடி காட்டியிருக்கிறார். இறந்து போன  தன் அம்மாவின் பிணத்தை தோண்டி எடுத்து எலும்புக். கூடுக்கு நகைகளை கொட்டி அழகுபார்க்கும் காட்சிகள் நம்பும்படியாக இல்லை. இப்படத்தில் அவர் பேசும் வசன ஸ்டைல் அதிகமாகவே சலிப்பை உண்டு பண்ணுகிறது. பல வெற்றிப் படங்களில் நடித்த கார்த்தி ஜப்பான் என்ற கதாபாத்திரத்தை எப்படி தேர்வு செய்தார் என்பது புரியவில்லை.

கதாநாயகியாக நடித்திருக்கும் அனு இம்மானுவேலுக்கு பெரிய வேலை ஏதும் இல்லை என்றாலும், அவரது கதாபாத்திரத்திற்கு ஏற்றவாறு நடிப்பை வெளிப்படுத்தி இருக்கிறார்.

ஜித்தன் ரமேஷ், வாகை சந்திரசேகர், காவல்துறை அதிகாரியாக நடித்திருக்கும் விஜய் மில்டன் மற்றும் சுனில் ஆகியோரது  நடிப்பு படத்திற்கு பலம் சேர்த்திருக்கிறது.

ஜி.வி.பிரகாஷ் இசையில் பாடல்கள் அனைத்தும் சுமார் ரகம் என்றாலும் பரவாயில்லை. பின்னணி இசை எதிர்பார்த்த அளவுக்கு இல்லை என்றுதான் சொல்ல வேண்டும். ஆனால் ஏமாற்றம் அளிக்காமல் பயணித்திருப்பதை பாராட்டலாம்..

இப்படத்தின் திரைக்கதை தன்மைக்கு ஏற்றவாறு காட்சிகளை கையாண்டிருக்கும் ஒளிப்பதிவாளர் ரவிவர்மனின் ஒளிப்பதிவு படத்திற்கு மிகப்பெரிய பலத்தை சேர்த்திருக்கிறது.

ஜோக்கர், குக்கூ, ஜிப்ஸி போந்ற படங்களை இயக்கிய ராஜூ முருகன் இதுவரை பயணித்த வழியில் இருந்து மாறுபட்டு கமர்சியலாக ஒரு படத்தை இயக்க வேண்டும் என்ற எண்ணத்தில் இந்த படத்தை எடுத்து இருந்தாலும், ட்ரீம் வாரியர்ஸ் நிறுவனம்  நல்ல ஸ்கிரிட்டை தேர்வு செய்து படமாக்கும் என்ற நம்பிக்கையை தோல்வி அடைய செய்து விட்டார். இந்த காலகட்டத்திற்கு ஏற்றவாறு அவர் படத்தை இயக்கினாலும், திரைக்கதையில் சில தொய்வுகள் இருப்பது தெரியாமல், கார்த்தியின் நடிப்பு இந்த படத்தை ரசிக்க வைத்துவிடுகிறது. இந்தத் திரைப்படத்தின் கதை, சில வருடங்களுக்கு முன்பாக திருச்சியில் உள்ள லலிதா ஜுவல்லரியில் கொள்ளையடித்த முருகன் என்ற நீராவி முருகனின் கதையை ராஜூ முருகன்  கதை, திரைக்கதை எழுதி இயக்கினாலும் இன்னும் விறுவிறுப்பாக காட்சிகளை படமாக்கி இருக்கலாம்.

மொத்தத்தில் “ஜப்பான்” படத்தை ரசிக்கலாம்.

ரேட்டிங் 2.5/5.

RADHAPANDIAN.