‘ஒயிட் ரோஸ்’ திரைப்பட விமர்சனம்!

சென்னை:

கயல் ஆனந்தி, ரூசோ ஸ்ரீதரன், விஜித், பேபி நட்சத்திரா,  சசி லயா, சுலையன் பரணி அசின் தரணி ரெட்டி,, ரித்திகா ம்ற்றும் பலர் நடித்திருக்கும் படம்தான் ‘ஒயிட் ரோஸ்’ இப்படத்தை கே.ராஜசேகர் இயக்கி இருக்கிறார்.

இபடத்தின் கதையைப் பொறுத்தவரையில்,

காதல் திருமணம் செய்துக் கொண்ட கயல்ஆனந்தி, சென்னையில் வாழ்ந்துக் கொண்டிருக்கும் சூழ் நிலையில், அவரது கணவர் மனைவி குழந்தையை பார்ப்பதற்காக வெளிநாட்டில் இருந்து வருகிறார்.  கyaல் ஆனந்திக்கு பிறந்த நாள் என்பதால் வெளியில் சென்று விட்டு குழந்தையுடன் மோட்டார் சைக்கிளில்  செல்லும் பொழுது, காவல்துறையினர் தவறுதலாக கதாநாயகி ஆனந்தியின் கணவரை சுட்டு விடுகிறார்கள்.தன் கணவர் விபத்தில் இறந்த நிலையில் தன் மகளை எப்படி வளர்ப்பது என்று தெரியாமல் தவிக்கிறார் கயல்ஆனந்தி. சரியான வேலை எதுவும் கிடைக்காததால் தோழியின் பேச்சைக் கேட்டு பாலியல் தொழில் செய்ய முடிவு செய்கிறார் . காரில் வரும் சைக்கோ கொலையாளியுடன் கயல் ஆனந்தி, அவர் யார் என்று தெரியாமல்  செல்கிறார். பாலியல் தொழிலாளிகளை அழைத்துச் சென்று கொடூரமாக கொலை செய்யும் சைக்கோ ஆர்.கே.சுரேஷ் என்பது அவரது வீட்டிற்கு வந்த பிறகுதான் கயல் ஆனந்திக்கு தெரிகிறது. அந்த சைக்கோ கொலையாளியிடம்  சிக்கிக்கொள்ளும் நாயகி கயல் ஆனந்தி, அவரிடமிருந்து தப்பிக்க போராடுகிறார்.   இறுதியில் ஆர்.கே.சுரேஷ் பிடியிலிருந்து கயல் ஆனந்தி தப்பித்தாரா? இல்லையா? என்பதுதான் ‘ஒயிட் ரோஸ்’  படத்தின் மீதிக் கதை.

பல படங்களில் நடித்திருக்கும் கயல் ஆனந்தி இதுவரை ஏற்றிராத கதாபாத்திரம் என்றாலும் அதை திகிலுடனும் பரபரப்புடன் செய்து முடித்து, அந்த கதாபாத்திரத்திற்க்கு உயிரூட்டி தன் நடிப்பு திறமையை மிக சிறப்பாக வெளிப்படுத்தி இருக்கிறார்.சைக்கோ கொலையாளி ஆர் கே சுரேஷிடம் சிக்கிக்கொண்டு தப்பிக்க போராடும் காட்சிகளில் தனது நடிப்பு மூலம் பயம் கலந்த பதற்றத்தை உருவாக்கி மிக அருமையாக நடித்து இருக்கிறார்.

சைக்கோ கொலையாளியாக நடித்திருக்கும் ஆர்.கே.சுரேஷ் வசனம் எதுவும் பேசாமல் தன் முக பாவனைகளில் பயத்தைக் காட்டி அபாரமாக நடித்திருக்கிறார்.

கயல் ஆனந்தியின் கணவராக நடித்திருக்கும் விஜித், காவல்துறை அதிகாரியாக நடித்திருக்கும் ரூசோ ஸ்ரீதரன், காவல்துறை ஆய்வாளர் கதாபாத்திரத்தில் நடித்திருக்கும் சசிலயா, ரித்திகா சக்ரபோர்த்தி, ஹசின், தரணி ரெட்டி என மற்ற கதாபாத்திரங்களில் நடித்திருப்பவர்கள் தங்களுக்கு கொடுத்த் பணியை மிக சிறப்பாக செய்து இருக்கின்றனர்.

ஒளிப்பதிவாளர் வி.இளையராஜாவின் ஒளிப்பதிவு மிக அருமையான முறையில் சிறப்பாக  கையாண்டு இருக்கிறார்.

இசையமைப்பாளர் சுதர்சனும் தன்னுடைய இசையில், பாடல்கள் மற்றும் பிண்னனி இசை அனைத்தையும் மிக அருமையாக திகில் கலந்த பாணியில் அசத்தி இருக்கிறார்.

இயக்குனர் கே.ராஜசேகர் திரைப்படம் ஆரம்பித்த முதல் காட்சியிலேயே இது ஏற்கனவே வந்த ஒரு தமிழ்ப் திரைப்படத்தின் பாதிப்பு என்பதை புரிய வைத்துவிடுகிறார். ‘சிவப்பு ரோஜாக்கள்’ ‘உச்சக்கட்டம்’ போன்ற பல படங்களின் சாயல் இப்படத்தில் இருப்பதையும், அடுத்து என்ன நடக்கப் போகிறது? என்பதை திரைப்படம் பார்க்கும் ரசிகர்கள் கணிக்கும்படியாகவே இருக்கிறது. அவரது திரைக்கதை மற்றும் சைக்கோ கொலையாளியின் பின்னணி பற்றி சொல்வது படத்திற்கு சற்று சுவாரஸ்யத்தை கொடுக்கிறது.

மொத்தத்தில், சைக்கோ கொலையாளியை பற்றி வரும் ‘ஒயிட் ரோஸ்’ படம் ரசிக்கலாம்.

ரேட்டிங் 2.5/5.

RADHAPANDIAN>