“டீன்ஸ்” திரைப்பட விமர்சனம்!

சென்னை:

ராதாகிருஷ்ணன் பார்த்திபன், யோகி பாபு, தீபேஸ்வரன் ஜி, ஃபிராங்கின்ஸ்டன், கே.எஸ். தீபன், விஸ்ருதா ஷிவ், எல்.ஏ.ரிஷி ரத்னவேல், சில்வென்ஸ்டன், அஸ்மிதா மகாதேவன், டி.அம்ருதா, உதயபிரியன். கே, பி.கிருத்திகா, டி.ஜான் போஸ்கோ, ரோஷன், பிரஷிதா நசீர், மற்றும் பலர் நடித்திருக்கும் படம்தான் “டீன்ஸ்’ இப்படத்தை ராதாகிருஷ்ணன் பார்த்திபன் எழுதி இயக்கி இருக்கிறார்.

இப்படத்தின் கதையைப் பொருத்தவரையில்,

ஒரே குடியிருப்பில் வசிக்கும் சிறுவர் சிறுமிகள் 13 பேர் ஒன்றுக்கூடி பெரியவர்கள் பேசுவது போல் அனைத்து விசயங்கள் பற்றியும் பேசிக் கொண்டிருக்கிறார்கள். அப்போது ஒரு சிறுமி  தனது பாட்டி இருக்கும் கிராமத்தின் அழகைப்ப்ற்றியும் மற்றும் அங்கு பேய் இருப்பது பற்றியும் கூறுகிறார். அந்த கிராமத்தில் உள்ள பேயை நேரில் சென்று பார்க்க ஆசைப்படும் சிறுவர் சிறுமிகள் பள்ளியில் உள்ள ஆசிரியர்கள் மற்றும் பெற்றோர்களுக்கு தெரியாமல் வகுப்பை கட்டடித்துவிட்டு மற்றொரு சிறுவனையும் அழைத்துக் கொண்டு அந்த கிராமத்திற்கு செல்கிறார்கள். அவர்கள் அனைவரும் ஒரு பேருந்தில் செல்லும்போது, சாலையில் நடக்கும் போராட்டத்தால் சிறுவர் மற்றும் சிறுமிகள் தொடர்ந்து பேருந்தில் பயணிக்க முடியாமல் போக, சிறுவர் மற்றும் சிறுமிகள் பேருந்தை விட்டு இறங்கி காட்டுப்பாதையில் நடந்தே அந்த கிராமத்திற்கு செல்கிறார்கள்.

அவர்கள் போகும் வழியில் பல்வேறு அமானுஷ்ய குறுக்கீடுகள் ஏற்படுகிறது. அப்போது அவர்கள் காட்டு வழியில் செல்லும் போது, முதலில் ஒரு சிறுமி காணாமல் போகிறாள். அதன் பிறகு ஒவ்வொரு சிறுவர்களாக மர்மமான முறையில் காணாமல் போகிறார்கள் என்ன நடக்கிறது என்று புரியாமல் பயத்தில் அங்கும் இங்குமாக சிறுவர்கள் ஓடிக்கொண்டிருக்க, மறுபக்கம் ஒவ்வொருவராக மாயமாவது தொடர்ந்துக்கொண்டே இருக்கிறது. அந்த காட்டு வழியில் சிறுவர்கள் காணாமல் போகும் மர்மம் என்ன? காணாமல் போன சிறுவர்கள் கிடைத்தார்களா? பேய் தான் அமானுஷ்ய சக்தி மூலம் பழி வாங்கியதா?  என்ற கேள்விகளுக்கு பதில் அளிக்கும் படம்தான் “டீன்ஸ்’ 

இந்த படத்தில் நடித்த அனைத்து சிறுவர், சிறுமியர்கள் தீபேஸ்வரன் ஜி, பிராங்கின்ஸ்டன், தீபன், விஸ்ருதா ஷிவ், ரிஷி ரத்னவேல், சில்வென்ஸ்டன், அஸ்மிதா மகாதேவன், டி.அம்ருதா, உதயபிரியன், பி.கிருத்திகா, டி.ஜான் போஸ்கோ, ரோஷன், பிரஷிதா நசீர் ஆகியோர் முதல் காட்சியிலேயே வயதுக்கு மீறிய பேச்சுக்கள், வசனங்களால் நமக்கு நெருடலை கொடுத்தாலும், பின்னர் அவர்களின் பயணத்தில் ஏற்படும் தடங்கல்களை பார்த்து பயந்து, அலறும் காட்சிகளிலும், பிறருக்காக உதவி செய்யும் நேரத்திலும் அவர்களது கதாபாத்திரம் மனதை கவர்கிறது.

ஏலியன் உலகத்தை ஆராய்ச்சி செய்யும் விஞ்ஞானி ஜனார்தனனாக ராதாகிருஷ்ணன் பார்த்திபன் மிகவும் வித்தியாசமான கதாபாத்திரத்தில் நடித்திருக்கிறார். பல ஆண்டுகளாக கண்டுபிடிக்க முடியாத ஏலியன் இருப்பிடத்தை பலவித ஆராய்ச்சி கருவிகளை வைத்துக் கொண்டு ஒருவித புவிஈர்ப்பு சக்திகள் ஒரு இடத்தில் இருப்பதை உணர்ந்து தன்னுடைய மோட்டார் சைக்கிளில் விதவிதமாக கண்ணாடிகளை அணிந்து கொண்டு பயணிப்பதில் நடிப்பில் புதுமை செய்து இருக்கிறார். ஒரு மாறுபட்ட புதிய தோற்றத்துடனும், மிகுந்த  பொலிவுடனும் தன்னுடைய கதாபாத்திரத்திற்கு ஏற்ற நடிப்பை மிகையில்லாமல் வழங்கி சிறப்பு செய்திருக்கிறார்.

யோகி பாபு ஒரு சில காட்சிகளில் வந்து காமெடி என்ற பெயரில் திரைப்படம் பார்க்கும் ரசிகர்களை  வெறுப்படைய செய்கிறார்.

இசையமைப்பாளர் டி.இமானின் இசையில் பாடல்கள் கேட்கும்படி இருக்கிறது. பின்னணி இசையிலும் அதிகம் கவனம் செலுத்தி கடினமாக உழைத்து இருக்கிறார்.

ஒளிப்பதிவாளர் கேவ்மிக் யு.ஆரி காட்சியில் பிரம்மாண்டத்தை ஒளிப்பதிவு மூலம் காட்சிகளை மிக சிறப்பாக காண்பித்து இருக்கிறார்.

அறிவியல் தொழில்நுட்பம் கலந்து வித்தியாசமான கதைக்களத்தை தேர்ந்தெடுத்து புதிய கோணத்தில்  இயக்குனர் ராதாகிருஷ்ணன் பார்த்திபன் இயக்கி இருக்கும் இப்படத்தை அவர்  திரில்லரான,,,,, திரைக்கதை அமைப்புடன் சிறுவர்கள் முதல் பெரியவர்கள்அனைவரும் ரசிக்கும் விதமாக அறிவியல் உலக படமாக ரசிகர்களை ரசிக்க வைத்து இருக்கிறார்.

மொத்தத்தில், இந்த ‘டீன்ஸ்’ அனைத்து ரசிகர்களையும் கவரும் படம்.

ரேட்டிங் 3/5.

RADHAPANDIAN.