‘பிளாக்’ – திரைப்பட விமர்சனம்!

சென்னை:

பொட்டன்ஷியல் ஸ்டுடியோஸ் எல்எல்பி சார்பில் எஸ்.ஆர். பிரகாஷ் பாபு, எஸ்.ஆர். பிரபு, பி. கோபிநாத், தங்க பிரபாகரன் ஆர் தயாரித்திருக்கும் பிளாக் படத்தை எழுதி இயக்கியிருக்கிறார் கே.ஜி.பாலசுப்ரமணி.

இதில் ஜீவா – வசந்த், பிரியா பவானி சங்கர் – ஆரண்யா, விவேக் பிரசன்னா – மனோகர், யோகி ஜேபி – சிவராஜ், ஷா ரா – சுரேஷ், ஸ்வயம் சித்தா – பிரபா, சிந்தூரி – லலிதா ஆகியோர் குறிப்பிட்ட கதாபாத்திரத்தில் நடித்துள்ளனர்.

இப்படத்தின் கதையைப் பொருத்தவரையில்,

சென்னை புறநகரில் கடற்கரையோரம் உள்ள உப்பளப்பாக்கம் பகுதியில் ஜீவா, பிரியா பவானி சங்கர் இளம் தம்பதியினரான இவர்கள், இருவரும் தாங்கள் புதிதாக வாங்கியிருக்கும் வீட்டில் சில நாட்கள் தங்கும் முடிவுடன் செல்கிறார்கள். அவர்கள் வீட்டுக்குள் வந்த சில நிமிடங்களில் அங்கிருந்த ஒரே ஒரு காவலாளி திடீரென்று காணாமல் போக, மின்சாரமும் துண்டிக்கப்படுகிறது. ஆனால் யாருமே இல்லாத எதிர் வீட்டில் திடீரென்று விளக்கு எரிவது கண்டு இருவரும் அங்கு சென்று பார்க்கிறார்கள்.  அங்கு அவர்கள் கண்ட காட்சி அதிர்ச்சியில் உறைய வைக்கிறது. காரணம் இன்னொரு ஜீவா,  பிரியா பவானி சங்கர் இருவருமே அந்த வீட்டில் இருக்கிறார்கள்.  இதனால் பயந்து போன இருவரும் அந்த இடத்தில் இருந்து தப்பிக்க முடிவு செய்தாலும், மீண்டும் அதே இடத்தில் வந்து மாட்டிக் கொள்கிறார்கள்.

அந்த ஏரியாவில் வேறு யாரும் குடிபுகாத அந்தத் தொடர் வீடுகள் பகுதிக்கு அவர்கள் சென்றபோது பல அமானுஷ்ய சம்பவங்கள் நடக்கின்றன. அமானுஷ்ய சம்பவங்களைக் கண்டு ஒன்றும் புரியாமல் விழித்த அவர்கள் அங்கிருந்து வெளியேற முயற்சிக்கிறார்கள். ஆனால், அவர்களால் அங்கிருந்து வெளியேற முடியாமல் தவிக்கின்றனர். இந்த சூழ்நிலையில் தொடர்ந்து அவர்களை சுற்றி பல மர்மமான சம்பவங்கள் நடக்கின்றன. இந்நிலையில் திடீரென்று பிரியா பவானி சங்கர் காணாமல் போய் விடுகிறார். இந்த அமானுஷ்யங்கள் எப்படி நடக்கிறது…? இதன் பின்ணணி என்ன என்பதை  அறிவியல் ரீதியாக சொல்லும் படம்தான் “பிளாக்”

கணவன்-மனைவியாக நடிக்கும் ஜீவா மற்றும் பிரியா பவானி சங்கர் அனைத்துவிதமான உணர்வுகளுடன் தாங்கள் எதிர்கொள்ளும்  , குழப்பமான சம்பவங்களை பயம் கலந்த  பதற்றத்துடன் சிறப்பான நடிப்பில்  அழகாக வெளிப்படுத்தியிருக்கிறார்கள். தாங்கள் ஏற்றிருக்கும் கதாபாத்திரத்திற்கு மிக கச்சிதமாக பொருந்தி, அறிவியல் சார்ந்த ஒரு சஸ்பென்ஸ் த்ரில்லர் திரைக்கதையை விறுவிறுப்பாக நகர இருவரும் சிறப்பான நடிப்பை வெளிப்படுத்தி இந்த படத்திற்கு பலம் சேர்த்துள்ளனர்.

இளம் வயது கதாபாத்திரத்தில் வில்லத்தனமான நடிப்பையும், முதிர்ந்த வயது தோற்றத்தில் பரிதாப நடிப்பையும் சிறப்பாக நடித்து அசத்திருக்கிறார் விவேக் பிரசன்னா.

மனோகர், யோகி ஜேபி – சிவராஜ், ஷா ரா – சுரேஷ், ஸ்வயம் சித்தா – பிரபா, சிந்தூரி – லலிதா ஆகியோர் தங்களுக்கு கொடுத்த கதாபாத்திரத்தில் சிறப்பாக நடித்து நிறைவு செய்து இருக்கிறார்கள்.

சாம். சி எஸ் இசையும்,,,,ஒளிப்பதிவாளர் கோகுல் பினோய் ஒளிப்பதிவும் படத்திற்கு பக்க பலமாக அமைந்து இருக்கிறது.

2013ல் வெளியான ஹாலிவுட் படமான ‘கோஹரன்ஸ்’ படத்தின் ரீ மேக் படமாக  புது மண தம்பதிகள் இரண்டு பேர், கடற்கரையோரம் இரவு நேரத்தில் ஆரவாரமற்ற அமைதியான வீட்டில் சந்திக்கும் திகிலான சம்பவங்களை  நம் வாழ்க்கையில் நாம் சந்திக்கும் மாற்றங்களுக்கு அறிவியல் தான் காரணமாக இருக்குமோ என பார்வையாளர்களை யோசிக்க வைக்கும்  கதையுடன் வித்தியாசமான விறு விறுப்பான பதட்டமான திரைக்கதை அமைப்புடன் மர்மம் கலந்த திகில் படமாக, ஒரு வித்தியாசமான முயற்சியை மனதில் வைத்து இயக்கி இருக்கிறார் இயக்குநர் கே.ஜி.பாலசுப்ரமணி.

மொத்தத்தில், இந்த ‘பிளாக்’ படம்  மர்மம், திகில், திரில்லர் பட ரசிகர்களுக்கு விருந்து.

ரேட்டிங் 3/5.

RADHAPANDIAN.