‘டென் ஹவர்ஸ்’- திரைப்பட விமர்சனம்!

சென்னை:

சிபி சத்யராஜ், கஜராஜ், ஜீவா ரவி, ராஜ் ஐயப்பா, முருகதாஸ், திலீபன், தங்கதுரை, சரவண சுப்பையா, சருமிஷா, நிரஞ்சனா ம்ற்றும் பலர் நடித்திருக்கும் படம்தான் “டென் ஹவர்ஸ்” இப்படத்தை இளையராஜா  கலியபெருமாள் இயக்கி இருக்கிறார்.

இப்படம் வெளி வந்து வெற்றிகரமாக ஓடிக் கொண்டிருக்கும் நிலையில், இதன் கதையைப் பொருத்தவரையில்,

கள்ளக்குறிச்சி அருகே இளம்பெண் ஒருவர் நடுஇரவில் கடத்தப்படும் நிலையில் காணாமல் போனதாக அவரது குடும்பத்தார்  காவல் துறையில் புகார் அளிக்கின்றனர். புகாரின் அடிப்படையில் கதாநாயகன் காவல்துறை ஆய்வாளர் சிபிராஜ் உடனடியாக விசாரணையை தொடங்குகிறார். அந்த பெண் கடத்தப்பட்டிருப்பதை கண்டுபிடிப்பதோடு, அப்பெண்ணை மீட்பதற்கான முயற்சியில் இறங்குகிறார் சிபிராஜ். அப்போது, சென்னையில் இருந்து கோவை நோக்கி செல்லும் தனியார் பேருந்து ஒன்றில் பெண் ஒருவர் தாக்கப்படுவதாகவும், அந்த பேருந்து கள்ளக்குறிச்சி அருகே சென்றுக் கொண்டிருப்பதாகவும் அந்தப் பெண்ணை எப்படியாவது காப்பாற்றுங்கள் என்று இளைஞர் ஒருவர் காவல்துறை கட்டுப்பாட்டு அறைக்கு தகவல் கொடுக்கிறார்.

அந்த பேருந்தை அங்குள்ள டோல்கேட் செக்போஸ்டில் தடுத்து நிறுத்திய காவல்துறை ஆய்வாளர் சிபிராஜ், பேருந்திற்குள் சென்று சோதனை செய்யும் போது, புகார் அளித்த இளைஞர் அதே பேருந்தில் கொலை செய்யப்பட்டு கிடக்கிறார். பெண்ணை கடத்தியவர்களையும், மற்றும் பேருந்தில் இளைஞர் கொலை செய்தவர்களையும் கண்டுபிடித்து  இரண்டு வழக்குகளையும் பத்து மணி நேரத்தில் முடிக்க வேண்டும், என்ற கட்டாயத்தில் இருக்கும் காவல்துறை ஆய்வாளர் சிபிராஜ், இரண்டு குற்றங்களில் தொடர்புடைய குற்றவாளிகளை கண்டுபிடித்து தண்டனை வாங்கிக் கொடுத்தாரா? இல்லையா? என்பதுதான் “டென் ஹவர்ஸ்” படத்தின் மீதிக் கதை.

காவல்துறை அதிகாரி கதாபாத்திரத்துக்குக் கச்சிதமாகப் பொருந்தியிருக்கிறார் சிபிராஜ்.எந்த இடத்தில் எப்படி நடிக்க வேண்டும் என்று திரைக்கதையில் இருக்கும் விசயங்களை தனது நடிப்பின் மூலம் மிக சிறப்பாக, அழகாக வெளிப்படுத்தி வரவேற்புப் பெறுகிறார் சிபிராஜ்.. காவல்துறை ஆய்வாளராக அளவான நடிப்பு மூலம் திரைக்கதையில் இருக்கும் விறுவிறுப்பையும், வேகத்தையும் ரசிகர்களிடத்தில் நேர்த்தியாக  கதாபாத்திரத்தின் தன்மையை உணர்ந்து மாறுபட்ட நடிப்பை மிக அருமையாக வெளிப்படுத்தியுள்ளார்.

காவல் துறையில் உதவி ஆய்வாளராக நடித்திருக்கும் கஜராஜ், மருத்துவராக நடித்திருக்கும் ஜீவா ரவி, பேருந்தில் கொலை செய்யப்படும் இளைஞராக நடித்திருக்கும் ராஜ் ஐயப்பன், முருகதாஸ், திலீபன், உதயா, தங்கதுரை, சரவண சுப்பையா, ஷாருமிஷா, நிரஞ்சனா, என அனைவரும் கொடுத்த வேலையை மிக சிறப்பாக செய்திருக்கிறார்கள்.

முழுக்க முழுக்க இரவு நேரத்தில் நடக்கும் கதை என்பதால் அதை உணர்ந்து மிக நேர்த்தியாக படமாக்கி இருக்கிறார் ஒளிப்பதிவாளர் ஜெய் கார்த்திக்,

இசையமைப்பாளர் கே.எஸ். சுந்தரமூர்த்தியின் இசையில் பாடல்கள் மற்றும் பின்னணி இசையும் இப்படத்திற்கு மிகப்பெரிய அளவில் பலத்தை சேர்த்திருக்கிறது.

இளையராஜா கலியபெருமாள் எனும் புது இயக்குநர் எழுதி இயக்கியிருக்கிறார்.பத்து மணி நேரத்துக்குள் நடக்கும் கதைக்குள் இவ்வளவு விசயங்களைச் சொல்லிவிட முடியுமா? என்று அனைவரையும்  வியக்க வைத்து இருக்கிறார். ஒரு திரில்லர் கதைக்களத்தை கையில் எடுத்து அருமையான திரைக்கதையை வடிவமைத்து மிகச்சிறப்பாக இயக்கியிருக்கும் இயக்குனரை கண்டிப்பாக பாராட்ட வேண்டும்.

மொத்தத்தில், ‘டென் ஹவர்ஸ்’ படத்தை ரசிகர்கள் பார்த்து ரசிக்கலாம்.

ரேட்டிங் 3/5.

RADHAPANDIAN.