’மிசஸ் அண்ட் மிஸ்டர்’ திரைப்பட விமர்சனம்!

சென்னை:

வனிதா விஜயகுமார், ராபர்ட், ஷகிலா, ஶ்ரீமன், அனுமோகன், ஆர்த்தி, கணேஷ், கும்தாஜ், பாத்திமா பாபு, செஃப் தாமு, கிரண், ரவிகாந்த் மற்றும் பலர் நடித்திருக்கும் படம்தான் “மிசஸ் அண்ட் மிஸ்டர்”.

இப்படத்தை நடிகை வனிதா விஜயகுமாரே கதை எழுதி இயக்கி இருக்கிறார்.

இப்படத்தின் கதையைப் பொருத்தவரையில்,

நடன இயக்குனர் ராபர்ட்டும், வனிதா விஜயகுமார் இருவரும் காதல் திருமணம் செய்து கொண்டு மிகவும் மகிழ்ச்சியாக தாய்லாந்தின் தலைநகரான பாங்காங்க்கில் வாழ்ந்து வருகிறார்கள். காதல் திருமணம் செய்து கொண்ட இவர்களுக்கு குழந்தை பெற்றுக் கொள்வதற்கு ஆசை இல்லாமல் இருக்கிறார்கள். இதற்குக் காரணம் இளம் வயதில் ஏற்பட்ட ஒரு சிறிய விபத்தால் வனிதா விஜயகுமார் கருத்தரித்தால் அவரது உயிருக்கு ஆபத்து என்று மருத்துவர்கள் கூறி விடுகிறார்கள் அதனால் ராபர்ட் தன் மனைவி வனிதா விஜயகுமாரின் மீது அதிகம் பாசம் வைத்திருப்பதால் குழந்தை வேண்டாம் என்ற எண்ணத்தோடு விலகி நிற்கிறார்.  ஆனால் 40 வயதில் திடீரென்று வனிதா விஜயகுமாருக்கு குழந்தை பெற்றுக் கொள்ள வேண்டும் என்று ஆசை ஏற்படுகிறது. தனது ஆசையை தங்கள் அன்பு கணவன் ராபர்ட்டிடம் சொல்லி எப்படியாவது ஒரு குழந்தை பெற்றுக் கொள்ள வேண்டும் என்று ஆசைப்படுகிறார்.

ஆனால் ராபர்ட் நமக்கு குழந்தை வேண்டாம் என்று வனிதா விஜயகுமாரிடம்  சில அறிவுரைகள் கூறுகிறார்.  இதனால் இவர்கள் இருவருக்கிடையே அடிக்கடி சண்டை ஏற்படுகிறது. இந்த சூழ்நிலையில் வனிதா விஜயகுமார் கர்ப்பம் தரிப்பதற்கான சில வழிகளில் குழந்தை பெற்றுக்கொள்ள முடிவு செய்கிறார். ராபர்ட்டுக்கு தெரியாமல் பாங்காக்கில் இருந்து இந்தியாவுக்கு வந்து விடுகிறார் அனிதா விஜயகுமார். தன் மனைவி வனிதா விஜயகுமாரின் பிரிவை தாங்கிக் கொள்ள முடியாமல் ராபர்ட் அவரை தேடி இந்தியாவுக்கு வருகிறார். ராபர்ட்டிற்கு தெரியாமல் இந்தியாவுக்கு வந்த வனிதா விஜயகுமார் கர்ப்பமுற்று குழந்தை பெற்றுக் கொண்டாரா? இல்லையா? என்பதுதான் ‘மிஸஸ் அண்ட் மிஸ்டர்’ படத்தின் மீதி கதை.

கதாநாயகியாக நடித்திருக்கும் வனிதா விஜயகுமார், 40 வயது பெண்மணி கதாபாத்திரத்தில் நடித்திருக்கிறார். ராபர்ட்டை காதலித்து திருமணம் செய்துக் கொள்ளும் அவர் குழந்தை பெற்றுக் கொள்வதற்காக செய்யும் வேலைகள் அனைத்தும் ரசிக்கும்படி இல்லை. இதுவரை இல்லாத அளவுக்கு கிளாமர் விருந்து கொடுத்து அனைவரையும் வெறுப்படைய வைத்திருக்கிறார்.  தன் உடல் அமைப்புக்கு ஏற்றவாறு கதாபாத்திரத்தை உருவாக்கி அதன் தன்மையை உணர்ந்து நடித்து இருந்தால் பாராட்டி இருக்கலாம். ஆனால் இந்த 40 வயதில் அதிக கசமுசாவான காட்சிகளில் நடித்து இருப்பது அருவருப்பை ஏற்படுத்துகிறது.

வனிதாவின் கணவராக நடித்திருக்கும் நடன இயக்குநர் ராபர்ட், வனிதா மட்டும் போதும், குழந்தை வேண்டாம் என்பதற்கான காரணத்தை மறைத்து, அவரை காப்பாற்ற போராடும் காட்சிகளில் நேர்த்தியாக  மிக சிறப்பாக நடித்திருக்கிறார்.

வனிதாவின் அம்மாவாக நடித்திருக்கும் ஷகிலா, பவர் ஸ்டார் சீனிவாசன், ஃபாத்திமா பாபு, ஸ்ரீமன், ஆர்த்தி கணேஷ், கணேஷ்குமார், ரவிகாந்த், அனுமோகன், வாசுகி, ஸ்வேதா பாரதி என மற்ற கதாபாத்திரங்களில் நடித்திருப்பவர்கள் மற்றும் ஒரு பாடலுக்கு நடனம் ஆடியிருக்கும் கிரண் என அனைவரும் அதர பழைய நடிகர்களாக இருப்பதால், எந்த காட்சிகளையும் ரசிக்க முடியவில்லை.

ஸ்ரீகாந்த் தேவாவின் இசையில் பாடல்கள் சூப்பராக வைக்கிறது. பின்னணி இசை காட்சிகளுக்கு ஏற்ப பயணித்து இருக்கிறது.

ஒளிப்பதிவாளர்கள் ராஜபாண்டி.டி, விஷ்ணு ராமகிருஷ்ணன், டிஜி கபில் ஆகியோர் தங்களது பணியில் குறைவில்லாமல், பாங்காக், துபாய் ஆகிய நாடுகளின் எழில்மிகுந்த காட்சிகளை ஒளிப்பதிவு செய்து இருப்பது பாராட்டத்தக்கது.

கதாநாயகியாக நடித்திருப்பதோடு எழுதி இயக்கியிருக்கும் வனிதா விஜயகுமார், தற்போதைய இளைஞர்களுக்கு ரசிக்கும் விதத்தில் இந்த படத்தை எடுத்து இருந்தாலும், அதை பழைய பாணியில் ரசிக்க முடியாமல் கொடுத்திருக்கிறார். பாடல் காட்சிகளில் கவர்ச்சி, வசனக் காட்சிகளில் இரட்டை அர்த்தம், பழைய நடிகர்கள் கூட்டத்தை வைத்துக்கொண்டு, நமக்கு ஒரு தமிழ் கலாச்சாரம் இருக்கிறது என்பதை ம்றந்து இப்படத்தை இயக்கி இருப்பது வருத்தத்தை கொடுத்து இருக்கிறது.

மொத்தத்தில், ‘மிஸஸ் & மிஸ்டர்’  படம் பார்க்கும் ரசிகர்கள் மிஸ்ஸிங்..

ரேட்டிங் 2.5/5.

RADHAPANDIAN.