’பூக்கி’ திரைப்பட விமர்சனம்!

சென்னை:

அஜய் திஷன், ஆர்கே தனுஷா, பாண்டியராஜன், சுனில், லட்சுமி மஞ்சு, இந்துமதி, ஆதித்யா கதிர், விவேக் பிரசன்னா, பிளாக் பாண்டி, பிக் பாஸ் சத்யா, எம் ஜே ஷெரின், ராதா, அஸ்வின் ராம், ஸ்ரேயா ஷர்மி, பிரியங்கா ம்ற்றும் பலர் நடித்திருக்கும் படம்தான் “பூக்கி”. இப்படத்தை கணேஷ் சந்திரா ஒளிப்பதிவு செய்து இயக்கி இருக்கிறார்.

இபடத்தின் கதையைப் பொருத்தவரையில்,

தற்போது சமூக வலைதளங்களில் பல விஷயங்கள் பரவிருந்தாலும் இன்றைய இளைய சமுதாயத்தில் ஏற்படும் காதல் உணர்வுகளை வெளிப்படுத்தும் விதத்தில் ‘பூக்கி’ என்ற சொல் அனைவரையும் கவரும் விதத்தில் பயன்படுத்தப்படுகிறது. இந்த ‘பூக்கி’ என்ற சொல் காதலர்கள் மத்தியில் ஒரு புதிய உணர்வுகளையும் பாசத்தையும் வெளிப்படுத்தும் விதத்தில் பிரதிபலிக்கிறது.  இதில் பூக்கியை உணர்ந்து காதலிக்கும் காதல் ஜோடிகள் கதாநாயகன் அஜய் திஷன், கதாநாயகி தனுஷா இருவரும் ஒருவரை ஒருவர் புரிந்து கொண்டு காதலிக்கின்றனர்.  இந்த சூழ்நிலையில் இவர்கள் இருவரும் ஒரு காரில் பயணிக்கும் போது சிறு விபத்து ஏற்படுகிறது. அந்த விபத்தில் காரில் உள்ள வலது  பக்கம் கண்ணாடி உடைந்து விடுகிறது. அதனால் கோபம் அடைந்த அஜய் திஷன் தன் காரில் உள்ள வலது  பக்கம் கண்ணாடியை உடைத்த அந்த நபரை தாக்க முற்படுகிறார்.

ஆனால் தனுஷா அதை தடுக்க முற்சிக்கிறார். இதனால் கோபமடைந்த அஜய் திஷன் தனுஷாவை கன்னத்தில் அறைந்து விடுகிறார். தனுஷாவும் கோபத்தில் அஜய் திஷனின் கன்னத்தில் அறைகிறார்.  இதனால் இருவருக்கும் மனக்கசப்பு ஏற்பட்டு பிரேக் அப் சொல்லி காதலுக்கு முற்றுப்புள்ளி வைத்து பிரிகிறார்கள். அவர்கள் இருவரும் பிரேக் அப் சொல்லி பிரிந்தாலும் அந்த பிரிவை ஏற்றுக் கொள்ள முடியாமல் தவிக்கிறார்கள். தங்களது காதல் தோல்வி அடைந்த நிலையில் இருவருடைய மனதிலும் வேதனை ஏற்பட்டு வேறு ஒருவரை காதலிக்க முற்படும் போது தங்களது பழைய காதலை மறக்க முடியாமல் தவிக்கின்றனர் இறுதியில் அவர்கள் இருவரும் மீண்டும் ஒன்று சேர்ந்து காதலில் ஈடுபட்டார்களா? இல்லையா என்பதுதான் ‘பூக்கி’ படத்தின் மீதி கதை.

இப்படத்தில் காதலனாக நடித்திருக்கும் நாயகன் அஜய் திஷனுக்கு,காதல் உணர்வுகள், காதலியை பிரிந்த பிறகு மனதில் ஏற்படும்  கொடுமையான வலி, தந்தையைப்பற்றி அவரது நண்பர் தரக்குறைவாக பேசும்போது ஏற்படும்  பாசம் உள்ளிட்ட பல காட்சிகளில் தனது அழுத்தமான உணர்வுகளை வெளிப்படுத்தும்போது தத்ரூபமாக நடித்து  அசத்தி இருக்கிறார். தந்தையின் கனவை நிறைவேற்றி அவர் முகத்தில் மகிழ்ச்சியை காணும் காட்சியின் தன்மையை உணர்ந்து நடித்திருக்கிறார். ‘மார்கன்’ படத்தில் நடித்ததை விட இப்படத்தில் தனது நடிப்பு திறனை மெருகூட்டி இருப்பது பாரட்டத்தக்கது.

கதாநாயகி தனுஷா, கதாநாயகனுக்கு இணையான கதாபாத்திரம் என்றாலும் அதனை உணர்ந்து இன்றைய இளம் காதலர்களுக்கு புரிகின்ற விதத்தில் அவசர புத்தியினால் ஏற்படும் விளைவுகள் என்ன என்பதை தனது கதாபாத்திரம் மூலம் யார் இந்த புதுமுகம் என்று அனைவரும் கேட்கின்ற அளவிற்கு அழுத்தமான காட்சிகளில் நடிப்பில் கலக்கி இருக்கிறார்.

சில காட்சிகளில் தந்தை கதாபாத்திரத்தில் பாண்டியராஜன் வந்தாலும் கலங்க வைக்கிறார். மேலும் சுனில், லட்சுமி மஞ்சு, இந்துமதி, ஆதித்யா கதிர், விவேக் பிரசன்னா, பிளாக் பாண்டி, பிக் பாஸ் சத்யா, எம் ஜே ஷெரின், ராதா, அஸ்வின் ராம், ஸ்ரேயா ஷர்மி, பிரியங்கா என அனைவரும் தங்களுக்கு கொடுத்த பணியை மிக சிறப்பாக செய்து இருக்கின்றனர்.

இப்படத்தின் முக்கிய அம்சமாக பின்னணி இசை அமைந்துள்ளது. விஜய் ஆண்டனி அமைத்த பின்னணி இசை மற்றும் பாடல்கள் பல இடங்களில் நம் மனதை கவருகிறது.  ஒரு பாடல் காட்சியில் அவரே சிறப்பு தோற்றத்தில் தோன்றி ஆட்டம் போட வைத்திருக்கிறார்.

இப்படத்திற்கு ஒளிப்பதிவு செய்து இயக்கியிருக்கிறார் கணேஷ் சந்திரா. சமூக வலைதளங்களில் பிரபலமாக வலம் வரும் “பூக்கி” என்ற சொல்லை பயன்படுத்தி, அதற்கேற்றவாறு பல விஷயங்களாக எழுத்தாளர் புதிய பரிதி அமைத்திருப்பதால், காதல் உணர்வுகளின் இக்கால நிலை என்ன என்பதைக் இளைஞர்களின் மனதில் பதிவு செய்திருப்பதும் இறுதிக் கட்ட காட்சியில் காதலர்கள் ஒன்று சேரும்போது பார்ப்போர் மனதை கலங்க வைத்து விடுகிறார் இயக்குனர் கணேஷ் சந்திரா.

மொத்தத்தில், ‘பூக்கி’  காதலை உணரும் படம்.

ரேட்டிங் 3/5.

RADHAPANDIAN