‘தி பேரடைஸ்’ – திரைப்பட விமர்சனம்!

சென்னை:

நானி ,கயாடு லோகர் ,ராகவ் ஜுயல் ,கீர்த்தி சுரேஷ், சோனாலி குல்கர்னி, மோகன் பாபு ,சம்பூர்ணேஷ்பாபு, தனிக்கர பரணி, ஈஸ்வரி ராவ், ராஜா ரவிந்த்ரா, எம்எஸ் சௌத்ரி ,ராம் ஜெகன் மற்றும் பலர் நடித்துள்ள படம்தான் “தி பேரடைஸ்”. இப்படத்தை ஸ்ரீகாந்த் ஒதெலா எழுதி இயக்கியிருக்கிறார். அனிருத் ரவிச்சந்தர் இசையமைத்துள்ளார்

இப்படத்தின் கதையைப் பொருத்தவரையில்,

ஆங்கிலேயர்களிடமிருந்து இந்தியாவுக்கு சுதந்திரம் கிடைத்த பிறகும் ‘சவாரி’ என்கிற இனத்தைச் சேர்ந்த அவர்களை முதலாளி வர்க்கம் அடிமைகளாகவே வைத்து இருப்பதால் அவர்களும் சுதந்திரமாக வாழ தங்களுக்கென்று ஒரு அடையாளத்தை அங்கீகாரமும் பெற நினைக்கிறார்கள். ஆனால் ஆணவமும் அதிகார திமிரும் கொண்ட முதலாளி மோகன் பாபுவின் கட்டுப்பாட்டில் வாழும் ஒரு சமூகத்திற்கு குடியுரிமைகூட மறுக்கப்படுகிறது. அந்த சவாரி இன மக்களை கொடுமைப்படுத்தி அவர்களை அடிமைகளாகவே வைத்திருக்க நினைக்கிறார்கள்.

ஆனாலும் தங்களுக்கென்று ஒரு அங்கீகாரம் கிடைக்க வேண்டும் என்று சவாரி இன மக்களும் போராடிக் கொண்டிருக்கிறார்கள். இதற்கிடையில், கொலைக் குற்றத்திற்காகப் பல ஆண்டுகள் சிறையில் இருந்த சடையன் என்கிற நானி  மீண்டும் ஊருக்குத் திரும்புகிறார். இந்த சூழலில் தங்களது இன மக்களுக்கு அடிமை சங்கிலி இல்லாத வாழ்க்கையை கொடுக்க நினைக்கிறார் நானி.  ஆனால் முதலாளி வர்க்கத்தை சேர்ந்த மோகன் பாபு மற்றும் முதலாளி வர்க்கம் அவர்களை அடக்கி ஆள காவல்துறை பயன்படுத்து கிறார்கள்.  இதனால் வெறி கொண்ட புலி போல மாறும் நானி இவர்களது அடக்குமுறை எதிர்த்து வெற்றி பெற்றாரா? இல்லையா? என்பதுதான் “தி பேரடைஸ்”படத்தின் மீதி கதை.‌

இப்படத்தில் சடையன் என்ற கதாபாத்திரம் ஏற்று நீண்ட முடிவுடன் மாறுபட்ட தோட்டத்தில் வரும் நானி  தனது சிறந்த நடிப்பின் மூலம் படம் முழுவதையும் தனது தோளில் சுமந்து இருக்கிறார். இப்படத்தில் வன்முறை காட்சிகள் அதிகமாக இருந்தாலும் மிகவும் துடிப்புடன் அனைத்து சண்டை காட்சிகளிலும் மிரட்டி இருக்கிறார். தனது கதாபாத்திரத்தின் தன்மையை உணர்ந்து உடல் மொழி மற்றும் முகம் பாவனைகளில் வித்தியாசம் காட்டி மிகவும் சிறப்பாக நடித்திருக்கிறார் நானி.

கதாநாயகியாக வரும் கயாடு லோகர், நன்றாக நடிக்கத் தெரிந்த இவர் ரசிகர்களின் கனவுக் கன்னியாக இருந்தாலும்  இதில் கவர்ச்சிக் கன்னியாகவே மாற்றி இருக்கிறார்கள்.அதேபோல் தனது கதாபாத்திரத்தை உணர்ந்து  சிறப்பாக கவர்ச்சியுடன் மட்டுமல்லாமல், நடிப்பிலும் தனது திறமையை வெளிப்படுத்தியிருக்கிறார்.

மோகன்பாபு வயதான வில்லனாக நடித்திருக்கிறார்.அவருடைய அனுபவ நடிப்பு மட்டுமின்றி முதுமையும் இந்தக் கதாபாத்திரத்துக்குப் பலமாக அமைந்திருக்கிறது.

நானியின் அம்மாவாக நடித்திருக்கும் சோனாலி குல்கர்னி பாசக்காட்சிகளில் அசத்தி இருக்கிறார். நானியின் நண்பராக நடித்திருக்கும் சம்பூர்னேஷ் பாபு, தணிகலபரணி, விஷிகா, கிருஷ்ண தேஜா, ஈஸ்வரி ராவ் என மற்ற கதாப்பாத்திரங்களில் நடித்திருப்பவர்கள் தங்களது பணியைக் குறையில்லாமல் செய்திருக்கிறார்கள்.

ஒரு பாடலுக்கு  கீர்த்தி சுரேஷ் நடனமாடினாலும் அந்தப்பாடலும் கவனம் ஈர்க்கும் வண்ணம் அமைந்திருக்கிறது.

இப்படத்தின் ஒளிப்பதிவாளர் சி.எச்.சாய், ஒவ்வொரு சின்ன காட்சியிலும் கூட ஏராளமான மக்கள் என்று பிரம்மாண்டம் காட்டி காட்சிப்படுத்தியிருக்கிறார். சவாரி இன மக்களின் அவலத்தை காட்டும் குப்பை கூளங்கள் அழுக்கு போன்ற காட்சிகளும் ஒளிப்பதிவில் நம் மனதை ஈர்க்கின்றன.

அனிருத் இசையமைத்திருக்கிறார். பாடல்கள், பின்னணி இசை இவை இரண்டும் வன்முறைக் காட்சிகளுக்கு வேகம் கூட்டுவது மட்டுமல்ல கதாபாத்திரங்களின் உணர்வுகளை பார்வையாளர் களிடம் கொண்டு சேர்க்கும் பணியையும் செய்துள்ளது.

எழுதி இயக்கியிருக்கும் ஸ்ரீகாந்த் ஓதெலா, தன் இன மக்களின் அடிமை சங்கிலியை உடைப்பதற்குப் போராடும் நாயகன் நானியை மையமாக வைத்து அதன் விடுதலைப் போராட்டம் எனும் அழுத்தமான கதையை எடுத்து வெற்றி பெற்றிருக்கிறார். ஆனால் வன்முறை, சண்டைக் காட்சிகளை மட்டும் கொஞ்சம் குறைத்திருந்தால், கதையின் உணர்வுக்கும் கதாபாத்திரங்களுக்கும் இன்னும் அதிக வேகம் கிடைத்திருக்கும்.

மொத்தத்தில், ‘தி பாரடைஸ்’   ரத்தக் களறியான அதிகமான வன்முறை நிறைந்த படம்.

ரேட்டிங் 3/5.

RADHAPANDIAN.