‘சிக்மா’- திரைப்பட விமர்சனம்!

சென்னை:

சந்தீப் கிஷன் , ஃபரியா அப்துல்லா, ராஜு சுந்தரம் ,சம்பத்ராஜ் , ஷிவ் பண்டிட், அன்பு தாசன், யோக் ஜேப்பி , ஷீலா ராஜ் குமார், மகாலட்சுமி சுதர்சனன், கமலேஷ் ஜெகன் , கிரண் கொண்டா, நாகசாய் மற்றும் பலர் நடித்துள்ள படம்தான் “‘சிக்மா”. , நடிகர் விஜய்யின் மகன் ஜேசன் சஞ்சய் இப்படத்தின் மூலம் இயக்குநராக அறிமுகமாகியுள்ளார்.

இப்படத்தின் கதையைப் பொருத்தவரையில்,

இப்படத்தில் கதாநாயகனாக நடித்திருக்கும் சந்தீப் கிஷன் தன்னுடைய தாயின் நினைவாக ஒரு நூலகத்தை நடத்தி வருகிறார். இந்த சூழ்நிலையில் தனது தந்தை வாங்கிய கடனுக்காகவும் அவர் வாங்கிய கடன் ஒரு கோடி ரூபாய்க்கு மேல் இருப்பதால் மிகுந்த மன உளைச்சலில் இருக்கிறார். இந்நிலையில் நூலகத்தில் உள்ள புத்தகங்களை யூடியுப் சேனல் மூலமாக வீடியோவில் வழங்கும் பணியை செய்து வருகிறார். அதன் மூலம் அவருக்கு பிரியா அப்துல்லாவின் நட்பு கிடைக்கிறது.

அவர் கடனாளி ஆன நிலையில் அந்த கடனை எப்படி அடைப்பது என்று தெரியாமல் சூதாட்ட கிளப்பில் கேசினோ உலகிற்குள் செல்லும் சந்தீப் கிஷனின் வாழ்க்கை, அங்கு நடைபெறும் சில சட்டவிரோத நடவடிக்கைகளால் எதிர்பாராத பாதையில் பயணிக்கிறது. போதைப்பொருள் கும்பல், சட்டவிரோத கேசினோ, கோடிக்கணக்கான பணம், மர்மமான பென் டிரைவ் என மிகப்பெரிய குற்றவுலகத்திற்குள் சந்தீப் கிஷனை அழைத்துச் செல்கிறது. சூதாட்டம் ஆடி பணம் சம்பாதிக்கலாம் என்று நினைக்கிற அவருக்கு சூதாட்ட கும்பல் மூலம் தனது கையில் இருந்த பணத்தையும் இழந்து விட்டு தவிக்கிறார். இந்த சூழலில் போதை பொருள் கடத்தல் தாதாவாக இருக்கும் சம்பத் தாய்லாந்தில் பல கோடி ரூபாய் மதிப்புள்ள அமெரிக்க டாலர்களை பதுக்கி வைத்திருக்கிறார். அந்த அமெரிக்கா டாலர் உள்ள கன்டெய்னர் சாவி சூதாட்ட கும்பலிடம் வந்து செல்கிறது.

ஆனால் அது பல்வேறு கைகளுக்கு மாறி சந்தீப் கிஷன் கையில் கிடைக்கிறது. அதைப்பற்றி ஒன்றும் தெரியாத சந்தீப் கிஷன் அந்த சாவிக்குள் இருக்கும் மற்றொரு முக்கிய விஷயத்தை கண்டுபிடித்து தன்னுடைய பணம் பிரச்சனையை தீர்க்க நினைக்கிறார்.  ஆனால் சம்பத்தின் அடியாட்கள் சந்தீப் கிஷனை துரத்திக் கொண்டு அந்த சாவியை பறிமுதல் செய்ய நினைக்கின்றனர்.  இந்த கோடிக் கணக்கான அமெரிக்க டாலர் உள்ள கண்டனர் சாவி மூலம் சந்தீப் கிஷனுக்கு பல பிரச்சனைகள் வருகிறது. இறுதியில் அந்தப் பிரச்சனைகள் எல்லாம் சந்தீப் கிஷன் தீர்த்தாரா? அந்தக் கண்டெய்னரில் உள்ள அமெரிக்க பணம் என்ன ஆனது ?  அதை வைத்து கடன்களை அடைத்தாரா? இல்லையா? என்பதுதான் ‘சிக்மா’ படத்தின் மீதி கதை.

இதில் அழுத்தமான கதைக்களம் என்பதால் குரு என்ற கதாபாத்திரத்தை தனது இயல்பான நடிப்பின் மூலம் அனைவரையும் கவர்கிறார் சந்தீப் கிஷன். ஆக்‌ஷன் காட்சிகளிலும் தனது உடல்மொழி மற்றும் சிறந்த நடிப்பின் மூலம் உயிர் கொடுத்து நடித்திருக்கிறார்.

அதேபோல் ஃபரியா அப்துல்லாவின் கதாபாத்திரம் ஆரம்பத்தில் சுவாரஸ்யமாக அறிமுகப்படுத்தப் பட்டாலும், நிறைய காட்சிகள் அவருக்கு கொடுக்கப்படவில்லை. தனக்கு கிடைத்த குறைவான காட்சிகளிலும் தன் இருப்பை சிறப்பாக  பதிவு செய்திருக்கிறார்.

சம்பத் ராஜ், ஷீவ் பண்டிட், யோக்ஜேப்பி என மூன்று வில்லன்கள் நடித்து இருக்கிறார்கள். மூவரும் நன்கு தேர்ந்த நடிப்பை வெளிப்படுத்தி திரைக்கதைக்குப் பலம் சேர்த்திருக்கிறார்கள்.

அன்பு தாசன், யோக் ஜேபி, ஷீலா ராஜ்குமார், மகாலட்சுமி சுதர்சனன், கமலேஷ் ஜெகன், கிரன் கொண்டா, நாகசாய் என மற்ற கதாபாத்திரங்களில் நடித்திருப்பவர்கள் சிறப்பான பங்களிப்பை கொடுத்துள்ளனர்.

‘மெட்ராஸ்’ படப் புகழ் நாயகி கேத்தரின் தெரசா ஒரு பாடலுக்கு வந்து ஆட்டம் போட்டு விட்டுச்  செல்கிறார்.

கிருஷ்ணன் வசந்த் ஒளிப்பதிவு செய்துள்ளார். இப்படத்தின் காட்சிகளின் தன்மைக்கு ஏற்ப  பிரமாண்டமாக படமாக்கி இருக்கிறார்.

தமனின் இசையில் பாடல்கள் கேட்கும் ரகம்தான். பின்ணணி இசை  சில இடங்களில் கதையை விட  காட்சிக்கு அதிக பரபரப்பைக் கொடுக்கிறது.

தமிழ் சினிமாவில் புதிய தலைமுறை இயக்குநர்கள் அதிகரித்து வரும் நிலையில், நடிகர் விஜய்யின் மகன் ஜேசன் சஞ்சய் இயக்குநராக அறிமுகமாகியுள்ள இந்த படத்தின் .கதை மற்றும் திரைக்கதை பழைய படங்களின் வாசனை இருக்கிறது என்றாலும், அதை மிக துல்லியமாக புதிய கோணத்தில் கொடுக்க முயன்று உள்ளார். பெரிய ஆக்சன் படமாக கொண்டு வர வேண்டும் என்று சண்டைக் காட்சிகளில் பிரம்மாண்டத்தைக் காட்டியுள்ளார். லைக்கா புரொடக்‌ஷன்ஸ் என்கிற மிகப் பெரிய பட நிறுவனம் விஜய்யின் மகன் இயக்குனராக கொண்டு வர வேண்டும் என்பதில் வெற்றி பெற்று இருக்கிறது.

மொத்தத்தில், ‘சிக்மா’  ஆக்ஷன் ரசிகர்களுக்கு விருந்து.

ரேட்டிங் 3.5/5.

RADHAPANDIAN.