’ஸ்வீட் ஹார்ட்’ திரைப்பட விமர்சனம்!

சென்னை”

ரியோ ராஜ், கோபிகா ரமேஷ், அருணாச்சலேஸ்வரர், பவுசி, சுரேஷ் சக்கரவர்த்தி, ரஞ்சி பணிக்கர், ரிது, கவிதா, மைதிலி, காயத்ரி, காத்தாடி ராமமூர்த்தி, துளசி  மற்றும் பலர் நடித்திருக்கும் படம்தான் “ஸ்வீட் ஹார்ட்” இப்படத்தை ஸ்வினீத்.எஸ். சுகுமார் எழுதி இயக்கி இருக்கிறார்.

இப்படத்தின் கதையைப் பொருத்தவரையில்,

கதாநாயகன் ரியோ ராஜ் தனது சிறுவயதில் தனது பெற்றோர்கள் அடிக்கடி சண்டை போட்டுக் கொண்டிருப்பதை வேதனையுடன் பார்த்துக் கொண்டிருந்த சமயத்தில் ஒரு நாள் தாயும் தந்தையும் பிரிந்து விடுகிறார்கள். இதனால் ஏற்பட்ட கசப்பான அனுபவத்தால் திருமணம், மனைவி, குழந்தை உள்ளிட்ட குடும்ப உறவுகளின் மீது நம்பிக்கை இல்லாமல் வாழ்ந்து கொண்டிருக்கிறார் ரியோராஜ். இந்த சூழ்நிலையில் ரியோராஜ் தன் நண்பர்களுடன் இணைந்து அரட்டை அடிக்கும்போது அங்கு அவர்களது பெண் தோழியான  கோபிகா ரமேஷுடன் நட்புடன் ஏற்படுகிறது. அவர்கள் இருவரும் பாசமாக பழகி வரும் சூழ்நிலையில், ஒரு கட்டத்தில் அவர்கள் இருவரது நட்பும் காதலாக மாறுகிறது. ஒரு நாள் இருவரும் ரியோ ராஜன் வீட்டில் தனிமையில் இருக்கும் போது தங்களை அறியாமல் இருவரும் உடலுறவு கொள்கின்றனர்.

இந்நிலையில் அவரது காதலி கோபிகா,  ரமேஷ் ரியோ ராஜிடம் இருவரும் திருமணம் செய்து கொள்ளலாம் என்று வற்புறுத்துகிறார். இதனால் அவர்கள் இடையே சச்சரவு ஏற்பட்டு பிரிந்து விடுகின்றனர். இந்த சூழ்நிலையில் பெற்றோருக்கு பயந்து தான் கர்ப்பமுற்றத்தை சொல்லாமல் தன் காதலன் ரியோ ராஜிடம் கர்ப்பமுற்ற விஷயத்தை  சொல்கிறார். இதனால் ரியோ ராஜ் அதிர்ச்சியடைகிறார்.‌ ஆனால் கோபிகா ரமேஷ், ஒரு அழகான குழந்தையை பெற்றுக் கொண்டு ரியாராஜுடன் மகிழ்ச்சியாக வாழ்க்கையை நடத்த விரும்புகிறார். இந்நிலையில் ரியோராஜ் தனது காதலிகோபிகா ரமேஷ் வயிற்றில் வளரும் கருவை கலைத்து விடும்படி சொல்கிறார்.‌ முதலில் கர்ப்பத்தை கலைக்க மறுத்த கோபிகாரமேஷ் பிறகு கருக்கலைப்பு செய்ய ஒப்புக்கொள்கிறார். இறுதியில் கோபிகா ரமேஷ் தன் வயிற்றில் வளரும் கருவை கலைத்தாரா? இல்லையா? என்பதை சென்டிமெண்ட் கலந்து சொல்லி இருக்கும் படம் ஸ்வீட் ஹார்ட்.

இப்படத்தில் கதாநாயகனாக ரியோ ராஜ் நடித்திருக்கிறார். குழந்தைகள் குறித்த அவருடைய எண்ணம் முற்றாக மாறக்கூடிய முக்கியமான காட்சியில் அழுத்தமாக தனது சிறப்பான முறையில்  நடித்து அசத்தி இருக்கிறார். சிறு வயதில் அவருக்கு ஏற்பட்ட சோகமான சம்பவங்களை குறிப்பிட்டு பேசும்போது அவரது நடிப்பு அற்புதம்.

கதாநாயகி கோபிகா ரமேஷ் புதுமுகம் என்றாலும் தன் அனுபவ நடிப்பின் மூலம் அனைவரையும் கவர்கிறார்.  இளமையான அழகான முகம் என்பதை உணர்ந்து, தனக்கு குழந்தை உருவாகி கர்ப்பமுற்று காதலனின் மனநிலையை புரிந்துகொண்டு, அதனால் ஏற்படும் இன்னல்களை எதிர்கொள்ளும்  கதாபாத்திரத்தில் கச்சிதமாக பொருந்திருக்கிறார்.

அருணாச்சலேஸ்வரன், பெளசி, சுரேஷ் சக்கரவர்த்தி, ரஞ்சி பணிக்கர், ரிது, கவிதா, மைதிலி, காயத்ரி, காத்தாடி ராமமூர்த்தி, துளசி உள்ளிட்ட மற்ற கதாபாத்திரங்களில் நடித்திருக்கும் அனைவரும் தங்களுக்கு கொடுத்த பணியை  மிகவும் சரியாகவே செய்திருக்கிறார்கள்.

பாலாஜி சுப்பிரமணியம் ஒளிப்பதிவு செய்திருக்கிறார். கதையில் இருக்கும் இளமை காட்சிகளை மிகவும் வண்ணமயமாக படமாகி இருப்பது நன்றாக தெரிகிறது.

இந்த படத்தைத் தயாரித்திருப்பதோடு இசையமைக்கவும் செய்திருக்கிறார் யுவன் சங்கர் ராஜா. பாடல்கள் சுமார் ரகம்தான். பின்னணி இசை சொல்கின்ற மாதிரி இல்லை.

கதை எழுதி இயக்கியிருக்கும் ஸ்வினீத் எஸ்.சுகுமார், காதல் மூலம் மனித உறவுகளின் முக்கியத்துவத்தை பேச முயற்சி செய்து இருந்தாலும் தற்போதுள்ள இளைஞர்கள், இளம்பெண்கள் மத்தியில் காதலுடன் காமமும் கலந்து இருப்பதை மிக தெளிவாக வெளிபடுத்தியிருக்கிறார். இளைஞர்கள் மட்டுமின்றி எல்லோரையும் கவரும் பொழுதுபோக்கு அம்சங்களுடன் அழுத்தமான ஒரு கதையை சொல்லி இருப்பதை பாராட்டலாம்.

மொத்தத்தில், ‘ஸ்வீட் ஹார்ட்’  இளைஞர்களுக்கு விருந்து.

ரேட்டிங் 2.5/5.

RADHAPANDIAN.