‘என் காதலே’ – திரைப்பட விமர்சனம்!

 சென்னை:

லிங்கேஷ், லியா (லண்டன்), திவ்யா தாமஸ், காட்பாடி ராஜன், கஞ்சா கருப்பு, மாறன், தர்சன், மதுசூதனன் ராவ் மற்றும் பலர் நடித்திருக்கும் படம்தான் ‘என் காதலே”  முக்கோணக் காதல்கதை கொண்ட திரைப்படங்கள் வந்து வெகுநாட்களாகிவிட்டன.அந்தக் குறையைப் போக்கத்தான்  இப்படத்திற்கு கதை எழுதி இயக்கி இருக்கிறார் ஜெயலட்சுமி.

இப்படத்தின் கதையைப் பொருத்தவரையில்,

இப்படத்தின் கதையை  கடற்கரையோர மீனவக் குப்பம் ஒன்றில் நடப்பதாக உருவாக்கப்பட்டுள்ளது. இக்குப்பத்தைச் சேர்ந்த நாயகன் லிங்கேஷ், சிறுவயதிலேயே பெற்றோர்களை சுனாமிக்குப் பறி கொடுத்து அனாதை ஆனதால், அவரை தாய்மாமாவான குப்பத்துப் பெரிய மனிதர் மதுசூதனன் ராவ் வளர்த்து  நன்றாக படிக்க வைத்து ஆளாக்குகிறார். இந்த சூழலில் மாமன் மகளான நாயகி திவ்யா, சிறு வயதிலிருந்தே  லிங்கேஷ் மீது பாசம் கொண்டு, அவரை  திருமணம் செய்து கொள்ள விரும்புகிறார்.

இந்நிலையில் தமிழ் நாட்டின் கலாச்சாரத்தை கற்க வெளிநாட்டில் இருந்து வரும் வெள்ளைக்காரப் பெண்ணான மற்றொரு கதாநாயகி லியா. ம்ற்றும் அவர்களது குழுவினருக்கு லிங்கேஷ் நமது தமிழ் கலாசாரத்தைப்ப்ற்றி உடனிருந்து விளக்குகிறார். முதலில் லிங்கேஷின் நடவடிக்கையை பிடிக்காத லியா பின்னர் அவரின் குணாதிசயங்களில் ஈர்க்கப்பட்டு காதல் வயப்படுகிறார். இந்த காதல் விஷயம் எப்படியோ திவ்யாவுக்கு தெரிய வர லிங்கேஷ்-லியாவை காதலிப்பதை அறிந்து மன வேதனை அடைகிறார்.  சிறு வயதிலிருந்தே குழந்தையாக பார்த்த திவ்யா தன்னை காதலிப்பதை அறிந்து அதிர்ச்சியாகும் லிங்கேஷ் அவரது காதலை ஏற்க மறுக்கிறார்.

லிங்கேஷ்-லியாவின் காதல் விஷயத்தைக் கேள்விப்பட்ட மாமன் மதுசூதன ராவ் இவர்களது காதலுக்கு எதிர்ப்பு தெரிவித்து ஊர் பஞ்சாயத்தை கூட்டி இருவரையும் பிரித்து விடுகிறார். அதேசமயம் லிங்கேஷை சிறுவயதிலிருந்தே காதலித்த திவ்யாவின் காதல் வென்றதா? வெள்ளைக்காரப் பெண்ணான லியாவின் காதல் வென்றதா? என்பதுதான் “என் காதலே” படத்தின் மீதிக் கதை.

கதாநாயகனாக நடித்திருக்கும் லிங்கேஷ்,  மீனவ குப்ப வாலிபனாக எதார்த்தமான நடிப்பை கொடுத்து அசத்தியிருக்கிறார். ஆரம்பத்தில் முரட்டு ஆசாமி போல் தோன்றினாலும், காதலில் விழுந்தபிறகு தன்னை ஒரு சக மனிதனாக மாற்றிக் கொண்டு வெளி நாட்டுப் பெண் லியாவுடன் ஆங்கிலத்தில் பேசி மிக சிறப்பாக நடித்திருக்கிறார்.

கதநாயகிகளாக நடித்திருக்கும் திவ்யா மற்றும் லண்டன் பெண் லியா இரண்டு பேரும் கதாபாத்திரத்தின் தன்மையை உணர்ந்து நடித்திருக்கிறார்கள்.

கஞ்சா கருப்பு மற்றும் மாறன் கூட்டணியின் நகைச்சுவை அனைவரையும் சிரிக்க வைக்கிறது

குப்பத்துப் பெரியவராக வரும் மதுசூதனன் ராவ், வெள்ளை ராஜனாக வரும் காட்பாடி ராஜன், மற்றும் தர்சன் உள்ளிட்ட பல நடிப்புக் கலைஞர்களும் தங்களது கதாபாத்திரத்துக்குத் தகுந்தவாறு தேவையான நடிப்பை அளவாக வெளிப்படுத்தி இருக்கிறார்கள்.

சாண்டி சாண்டல்லோ இசையில் பாடல்கள் கேட்டு இரசிக்கலாம்.பின்னணி இசையிலும் குறை வைக்கவில்லை.

டோனிசென், வெங்கடேஷ் ஆகிய இருவர் ஒளிப்பதிவு செய்திருக்கிறார்கள்.கதைக்கேற்ற காட்சிகளை வடிவமைத்து படமாக்கி இருப்பது பாராட்டத்தக்கது.

கதை, எழுதி இயக்கியிருக்கிறார் ஜெயலட்சுமி.  இரண்டு பெண்களின் மன உணர்வுகளை  முக்கோண காதல் கதையாக உருவாக்கி  எவ்வித குழப்பமும் இல்லாமல் சிறப்பாக திரைக்கதை அமைத்து, சுவாரஸ்யமாகவும், விறுவிறுப்பாகவும், உள்ளத்தை உருக்கும் விதத்தில் இயக்கி இருப்பதை பாராட்டலாம்.

மொத்தத்தில், ‘என் காதலே’  இளைஞர்களுக்கு விருந்து.

ரேட்டிங் 3/5.

RADHAPANDIAN.