“ஓஹோ எந்தன் பேபி” – திரைப்பட விமர்சனம்!

சென்னை:

ருத்ரா (அறிமுகம்), விஷ்ணு விஷால், மிஷ்கின், ரெடின் கிங்ஸ்லி, மிதிலா பால்கர், கருணாகரன், கீதா கைலாசம், பாலாஜி சக்திவேல், கஸ்தூரி, விஜய் சாரதி நிர்மல் பிள்ளை மற்றும் பலர் நடித்திருக்கும் படம்தான் “ஓஹோ எந்தன் பேபி”. இப்படத்தை கிருஷ்ணகுமார் ராம்குமார் இயக்கி இருக்கிறார்.

தமிழ் சினிமா உலகில் பல படங்களில் குணச்சித்திர வேடங்களில் நடித்த கிருஷ்ணகுமார் ராம்குமார் இந்த ‘ஓஹோ எந்தன் பேபி’ படத்தின் மூலம் இயக்குனராக அறிமுகமாகி இருக்கிறார். இப்படத்தில் நடிகர் விஷ்ணு விஷாலின் சகோதர ர் ருத்ரா கதாநாயகனாக அறிமுகமாகியிருக்கிறார் என்பது குறிப்பிடத்தக்கது.. தனது சகோதரன் முன்னேற்றத்திற்காக இந்த படத்தில் ஒரு முக்கிய கதாபாத்திரத்தில் விஷ்ணு விஷால் நடித்திருக்கிறார்.

இப்படத்தின் கதையைப் பொருத்தவரையில்,

தமிழ் சினிமாவில் எப்படியாவது ஒரு இயக்குனராகிவிட வேண்டும் என்ற ஆசையில் தன்னிடம் உள்ள கதைகளை வைத்துக்கொண்டு, பல நடிகர்களை தேடிச் செல்லும் ருத்ரா, பல படங்களில் நடித்துக் கொண்டிருக்கும்  நடிகர் விஷ்ணு விஷாலிடம் தன்னிடம் உள்ள இரண்டு கதைகளை சொல்கிறார். அந்த இரண்டு கதைகளும் விஷ்ணு விஷாலுக்கு பிடிக்காததால் வேறு ஒரு கதை ரெடி செய்து கொண்டு வாருங்கள் என்று ருத்ராவுக்கு சில அறிவுரைகளை கூறி வெளியில் அனுப்புகிறார் அந்த சூழ்நிலையில் வெளியில் சென்ற நாயகன் ருத்ரா,  தன்னுடைய சொந்த காதல் கதையை நடிகர் விஷ்ணு விஷாலிடம் கூறுகிறார். விஷ்ணு விஷாலிடம் ருத்ரா கூறிய கதையை கேட்டு,  மிகவும் பிடித்து போக இதே காதல் கதையை ஒரு திரைப்படமாக உருவாக்கினால் நான் கண்டிப்பாக நடிக்கிறேன் என்கிறார் விஷ்ணு விஷால்.

ருத்ரா சொன்ன கதையில் தன் காதலியிடம் சண்டைப் போட்டு ‘ பிரேக் அப்’ ஆகி காதலில் தோல்வி அடைந்த விஷயத்தால் பாதியோடு கதை நிற்கிறது.  மீதி பாதி எப்படி எழுத போகிறாய்? நீ உன் காதலியை தேடி போய் நடக்கும் உண்மை கதையை இரண்டாவது பாகத்தில் எடுத்தால் மிகவும் சிறப்பாக இருக்கும் என்று அறிவுரை கூறுகிறார் விஷ்ணு விஷால். தன்னுடைய காதலியை சந்தித்தால்  ஏதாவது விபரீதம் ஆகி விடுமோ… என்று பயந்த ருத்ரா, மிகுந்த  வேதனையில் என்ன செய்வதென்று புரியாமல் தவிக்கிறார்.  ருத்ரா மீண்டும் தான் இயக்கும் படத்திற்காக தன்னை விட்டுப் பிரிந்த காதலியை சந்தித்தாரா? அவர் சொன்ன கதையைக் கேட்டு  விஷ்ணு விஷால் அந்தப் படத்தில் நடித்தாரா? இல்லையா? என்பதுதான் ‘ஓஹோ என் பேபி’  படத்தின் மீதிக் கதை.

கதாநாயகனாக அறிமுகமாகியிருக்கும் விஷ்ணுவிஷாலின் பெரியப்பா மகன்தான்  ருத்ரா, அறிமுக நடிகர் போல் இல்லாமல் அனுபவ நடிகர் போல் மிக சிறப்பாக இப்படத்தில் நடித்திருக்கிறார். ஒரு படத்தில் நடிக்கும் அறிமுக நடிகர், நடிகைகள் காதல் காட்சிகளில் காமிராவின் முன் நின்று நடிப்பதற்கு வெட்கப்படுவார்கள். ஆனால் இப்படத்தில் இவர் இரண்டு கதாநாயகிகளிடம் முத்தக் காட்சியில் புகுந்து விளையாடுகிறார். கோபம், மற்றும் சோகமான உணர்வுகளையும் மிக சிறந்த முறையில் வெளிப்படுத்தி அசத்தியிருக்கிறார். இப்படத்திற்கு பிறகு தொடர்ந்து ருத்ராவைத் தேடி பல படங்கள் வரும் என்பதில் ஐயமில்லை.

கதாநாயகி மிதிலா பாஸ்கர் இவரும் படத்திற்கு மிகச் சிறப்பான பங்களிப்பை கொடுத்து தனது பணியை செவ்வனே செய்திருக்கிறார். அஞ்சுகுரியனின் அழகும் இளமையும் ரசிகர்களை வெகுவாக கவர்கிறது.

இப்படத்தில் தனது சகோதரனுக்கு க்கு பலம் சேர்க்க வேண்டும் என்ற எண்ணத்தில் ஒரு நிஜ நடிகனாகவே இந்த படத்தில் விஷ்ணு விஷால் நடித்திருக்கிறார். அது ருத்ராவுக்கு எந்தவிதமான பாதிப்பும் வராமல் மிக நேர்த்தியாக தன் கதாபாத்திரத்தை வடிவமைத்து நடித்திருப்பதை கண்டிப்பாக பாராட்ட வேண்டும்.

இயக்குநர் மிஷ்கினும் இப்படத்தில் இயக்குனராகவே நடித்திருக்கிறார். அவருடன் வரும் காட்சிகள் சிறப்பாக அமைந்து அனைவரையும் சிரிக்க வைத்து விட்டு செல்கிறார்.

கருணாகரன், ரெடின் கிங்ஸ்லி ஆகியோரின் கதாபாத்திரங்கள் சிரிக்கத்தக்க அமைந்து படத்தை ரசிக்க வைத்திருக்கிறது.கீதா கைலாசம்,கஸ்தூரி,  விஜய் சாரதி, நண்பனாக வரும் நிர்மல் பிள்ளை ஆகியோர் தங்களுக்கு கொடுத்த பணியை நிறைவாக செய்து இருக்கிறார்கள்.

ஹரீஷ்கண்ணன் ஒளிப்பதிவில் காட்சிகள் வண்ணமயமாகவும் இளமைத் துள்ளலோடும் ரசிகர்கள் ரசிக்கும் விதத்தில் அமைந்திருக்கின்றன.

கதையின் போக்கை வெளிப்படுத்தக் கூடிய வகையில் ஜென்மார்ட்டினின் இசையில் பாடல்கள்அமைந்திருக்கின்றன.பின்னணி இசை காட்சிகளுக்கு பெரிய பலம் சேர்த்திருக்கிறது.

நடிகர் கிருஷ்ணகுமார் ராம்குமார் இந்தப்படத்தை எழுதி இயக்கியிருக்கிறார். ஒரு அற்புதமான, உன்னதமான, உணர்வுபூர்வமான காதல் கதையை கொடுத்து நம் இளைஞர்களை கவரும் விதத்தில் இயக்கினாலும் படம் பார்க்கும் அனைவரையும்  நெகிழ வைத்து வெற்றி பெற்றிருக்கிறார் இயக்குனர். அதற்கான கடுமையான உழைப்பையும் கொடுத்திருக்கிறார் என்பது தெளிவாக தெரிகிறது.

மொத்தத்தில்  “ஓஹோ எந்தன் பேபி” இளைஞர்களை கவரும் படம்.

ரேட்டிங் 3/5.

RADHAPANDIAN.